ចេញពី KTV ជិះម៉ូតូបញ្ច្រាស់ផ្លូវ ត្រូវរថយន្តបុករងរបួសធ្ងន់ស្រាល ៤នាក់

ភ្នំពេញ៖ យុវជន ៤នាក់ ចេញពីផឹស៊ី ខារ៉ាអូខេ រស្មីម៉ៃដា ជិះម៉ូតូត្រឡប់ក្រោយ បញ្ច្រាស់ផ្លូវ ត្រូវបានរថយន្តមួយគ្រឿង បុកពេញទំហឹង បណ្តាលឲ្យយុវជនម្នាក់ រងរបួសធ្ងន់ បាក់ជើងឆ្វេងម្ខាង ចំណែក បីនាក់រងតបួសស្រាល។

ហេតុការណ៍នេះកើតឡើងកាលពីវេលាម៉ោង ១២ នឹង ៤០ នាទីយប់ រំលង អាធ្រាត្រ ឈានចូលថ្ងៃទី ១៦ ខែ កញ្ញា ឆ្នាំ ២០១៨ ស្ថិតនៅចំណុចមុខ ខារ៉ាអូខេម៉ៃដា តាមបណ្តោយផ្លូវ ២០០៤ ក្នុងសង្កាត់កាកាប ១ ខណ្ឌពោធិសែន ជ័យ។

មានទទួលផ្សាយពាណិជ្ជកម្ម Tel: 016 85 63 66

តាមប្រភពព័ត៌មានពីកន្លែងកើតហេតុមុនកើតហេតុ គេឃើញយុវជន ៤នាក់ ជិះម៉ូតូមួយគ្រឿង ម៉ាកហុងដាឌ្រីមសង់ ស៊េរី ០១៧ ពណ៌ខ្មៅ ពាក់ស្លាកលេខ ភ្នំពេញ 1GP-6553 បានជិះចេញពី ខារ៉ាអូខេ នៅចំណុចកើតហេតុខាងលើ បានបត់ឆ្វេងដៃ បញ្ច្រាស់ផ្លូវចរាចរណ៍ ទិសដៅពីលិចទៅកើត ទើបនឹងបត់បាន បន្តិចក៏មានរថយន្តមួយគ្រឿង ម៉ាក តាកូម៉ា ពណ៌ស ពាក់ស្លាកលេខ ភ្នំពេញ 2B-6873 បើកបរដោយបុរសម្នាក់ បញ្ច្រាស់ទិសដៅគ្នា ពីកើតទៅលិច បុកពេញទំហឹង បណ្តាលឲ្យយុវជនម្នាក់ រងរបួសធ្ងន់បាក់ជើងឆ្វេងម្ខាង ត្រូវបាន រថយន្យសង្គ្រោះក្លីនីកហុង ហាក់ដឹកយក ទៅផ្ទះដើម្បីឲ្យ សាច់ញាតិយកទៅឲ្យ គ្រូខ្មែរ ព្យាបាល។

ក្រោយកើតហេតុសាច់ញាតិខាងម្ចាស់ម៉ូតូ បានមកសម្របសម្រួលជាមួយខាង ម្ចាស់រថយន្ត ដោយចេញសំណងទៅ ឲ្យ ខាងម្ចាស់រថយន្តចំនួន ១០០ដុល្លារ ដើម្បីបញ្ចប់រឿងនៅនិងកន្លែងកើតហេតុ៕