រថយន្តហាយឡែនឌ័រព្រលះម៉ូតូ PCX ចំណុចស្តុបបែកជាបួន វិលបីជុំ សំណាង រងបួសស្រាល

ភ្នំពេញ៖ បុរសម្នាក់បើករថយន្ត ហាយឡែនឌ័រ មួយគ្រឿង ក្នុងល្បឿន លឿន ដល់ស្តុបបែកជាបួន មិនបង្អង់ ល្បឿន ជ្រុលទៅបុកម៉ូតូ PCX មួយគ្រឿង ជិះដោយយុវជនម្នាក់ពេញទំហឹង បណ្តាលឲ្យម៉ូតូវិលបីជុំ សំណាងល្អ ម្ចាស់រងរបួសស្រាល។

ហេតុការណ៍នេះកើតឡើងកាលពីវេលាម៉ោង ១០ យប់ ថ្ងៃទី ១៧ ខែ កញ្ញា ឆ្នាំ ២០១៨ ស្ថិតចំណុចស្តុបទីក្រុងបៃតង ចាស់ តាមបណ្តោយផ្លូវ ១៨២ កែងផ្លូវ ២៦១ ក្នុងសង្កាត់ទឹកល្អក់ ៣ ខណ្ឌទួលគោក។

មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុ គេឃើញបុរស ម្នាក់ បើករថយន្តមួយគ្រឿង ម៉ាកហាយ ឡែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2U-9421 តាមបណ្តោយផ្លូវ ១៨២ ទិសដៅពីលិចទៅកើត លុះមក ដល់ស្តុបបែកជាបួន ចំណុចកើតហេតុ ខាងលើ មិនបង្អង់ល្បឿន បានជ្រុលចង្កូត ទៅបុកម៉ូតូ PCX មួយគ្រឿង ពណ៌ស ពាក់ស្លាកលេខ ភ្នំពេញ 1FK-6616 ជិះដោយយុវជនម្នាក់ តាមបណ្តោយផ្លូវ ២៦១ ទិសដៅពីត្បូងទៅជើង ពេញ ទំហឹង បណ្តាលឲ្យម៉ូតូវិលបីជុំ ម្ចាស់ខ្ទាត ចេញពីម៉ូតូរងរបួសស្រាល ចំណែកម៉ូតូ ខូចខាតផ្នែកខាងមុខចំហៀងខាងឆ្វេងយ៉ាងដំណំ រីឯរថយន្តខូចខាតកាង ខាងមុខ ខាងស្តាំតិចតួច។

ក្រោយកើតហេតុសមត្ថកិច្ចមូលដ្ឋានបានចុះមកដល់ ឲ្យភាគីទាំងសងខាងសម្រប សម្រួសគ្នា ដោយខាងភាគីរថយន្តចេញ សំណងទៅឲ្យភាគីម៉ូតូចំនួន ១០០ដុល្លារ ដើម្បីបញ្ចប់រឿងនៅកន្លែងកើតហេតុ៕