រថយន្ត TRIT0N ព្រលះក្បាលនាគ ពុះចែកទ្រូងផ្លូវបាក់អស់ ១ កង់ រថយន្តបែកកង់មុខទៅលែងរួច

ភ្នំពេញ៖ បុរសម្នាក់ស្រវឹងស្រាជោក បើកមួយគ្រឿង ជ្រុលចង្កូតទៅបុកក្បាល នាគពុះចែកទ្រូងផ្លូវ បាក់អស់ ១កង់ រថយន្តបង្កព្យាយាមបំរុងរបើករត់ តែដោយសារបែកកង់ខាងមុខ ទៅលែងរួច។

ហេតុការណ៍នេះកើតឡើងកាលពីវេលាម៉ោង ១២ នឹង ៤០នាទីយប់រំលង អាធ្រាត ឈានចូលថ្ងៃទី ១៨ ខែ កញ្ញា ឆ្នាំ ២០១៨ ស្ថិតនៅតាមបណ្តោយផ្លូវ ព្រះមុនីវង្ស កែងផ្លូវ ៣៦០ ក្នុងសង្កាត់បឹងកែងកង ១ ខណ្ឌចំការមន។

មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុ គេឃើញបុរស ស្រវឹងស្រាម្នាក់ បើករថយន្ត មួយគ្រឿង ម៉ាក TRIT0N ពណ៌ស ពាក់ស្លាកលេខ ភ្នំពេញ 2S-7233 តាមបណ្តោយផ្លូវ ព្រះមុនីរង្ស ទិសដៅពីត្បូងទៅជើង លុះមកដល់ចំណុចកើតហេតុខាងលើ បានរេចង្កូតមកខាងឆ្វេងដៃ ជ្រុលទៅ បុកក្បាលនាគពុះចែកទ្រូងផ្លូវបាកអស់ ១កង់ ចំណែករថយន្តបង្ក បំរុងបើករត់ តែដោយសារ រថយន្តបែកកង់ខាងមុខ ខាងឆ្វេង និងរងការខូចខាតផ្នែកខាងមុខ ទៅលែងរួច ភ្លាមៗនោះ ម្ចាស់រថយន្ត បង្កបំរុងដោះដូរកង់ ដើម្បីបន្តដំណើរ ទៅមុខទៀត ត្រូវបានសមត្ថកិច្ចឃាត់ជាប់ នៅកន្លែង។

ក្រោយកើតហេតុសមត្ថកិច្ចមូលដ្ឋាន សហការជាមួយជំនាញ ចុះមកធ្វើការ វាស់វែងយករថយន្តបង្កទៅរក្សាទុកនៅ ការិយាល័យចរាចរណ៍ផ្លូវគោក រាជធានីភ្នំពេញ រងចាំដោះស្រាយនៅ ពេលក្រោយ។