ចោរឆក់ដៃស្អិតពីរនាក់ អស់ល័ក្ខណ៍ ជិះម៉ូតូឆក់ការបូប មិនសម្រេច ភ្លាត់ស្នៀតជិះទៅបុកគូទម៉ូតូជនរងគ្រោះ ដួល ត្រូវសមត្ថកិច្ចក្របួចជាប់

ភ្នំពេញ៖ កម្លាំងនគរបាលខណ្ឌពោធិសែនជ័យ បានដេញពទ្ធ័ចាប់បានជនសង្ស័យចំនួនពីរនាក់ ក្រោយពីបានជិះម៉ូតូមួយគ្រឿង ធ្វើសកម្មភាពឆក់ កាបូបស្ពាយ ប្តីប្រពន្ធពីរនាក់មិនបានសម្រេច បណ្តាលឲ្យជិះទៅបុកម៉ូតូជនរងគ្រោះពីក្រោយ ដួល រួចនាំគ្នារត់គេចខ្លួន កាលពីវលាម៉ោង ៩:៣០ នាទីយប់ ថ្ងៃទី ១៥ ខែធ្នូ ឆ្នាំ២០១៨ ស្ថិតចំណុចមុខ មហាវិទ្យាល័យសង្គមសាស្ត្រ និងមនុស្សសាស្ត្រ តាមបណ្តោយផ្លូវសហពន្ធ័រុស្ស៊ី ក្នុងសង្កាត់កាកាប ១ ខណ្ឌពោធិសែនជ័យ។

សេចក្តីណែនាំ៖ ពេលលោកអ្នក Download App ព័ត៌មានឯករាជ្យជាតិ រួច ត្រូវចុចលើ Setting បន្ទាប់មករកមើលពាក្យថា Unnown រួចគ្រីសទៅលើវា លោកអ្នកនឹងឃើញពាក្យថា Installing ហើយចុចនៅលើពាក្យនោះ លោកអ្នកនឹងឃើញសញ្ញា Logo សារព័ត៌មាន ឯករាជ្យជាតិ

ជនសង្ស័យទី១៖ មានឈ្មោះ សេង ហ៊ាង ភេទប្រុស អាយុ ២២ ឆ្នាំ មុខរបរជាងដែក ស្នាក់នៅម្តុំ ពោធិ៍ចិនតុង ខណ្ឌពោធិសែនជ័យ មានស្រុកកំណើត ភូមិពពិលអំពក ស្រុកអូរាំឪ ខេត្តត្បូងឃ្មុំ។ ទី២៖មានឈ្មោះ សាយ យន័ ភេទប្រុស អាយុ ២២  មុខរបរដូចគ្នា​ស្នាក់ជាមួយគ្នា មានស្រុកកំណើតភូមិ ឃុំជាមួយគ្នា បានជិះម៉ូតូមួយគ្រឿង ម៉ាកហុងដា ឌ្រីមសង់ ស៊េរី ០១៦ ពណ៌ខ្មៅ ពាក់ស្លាកលេខ កំពង់ចាម 1R-1312 ចំណែកស្ត្រីជនរងគ្រោះ ជាប្រពន្ធមានឈ្មោះ ញៀន សុភា ភេទស្រី អាយុ ១៨ ឆ្នាំ មុខរបរធ្វើការរោងចក្រ ស្នាក់នៅភូមិត្រពាំងធ្នង់ សង្កាត់សំរោងក្រោម ខណ្ឌព្រែកភ្នៅ ឯប្តីមិនស្គាល់ អត្តសញ្ញាណនោះទេ ជិះម៉ូតូមួយគ្រឿងម៉ាកហុងដា ឌ្រីមសង់ ស៊េរី ០១៧ ពណ៌ខ្មៅ ពាក់ស្លាកលេខ ភ្នំពេញ 1GM-5061។

មានទទួលធ្វើកាតវីស៊ីត មួយប្រអប់ត្រឹមតែ ១៤០០០ រៀល ទំនាក់ទំនងទូរស័ព្ទលេខ 016 85 63 66

តាមប្រភពពីជនរងគ្រោះជាប្រពន្ធបានឲ្យដឹងថា មុនកើតហេតុ រូបគាត់ពីរនាក់ប្តីបានជិះម៉ូតូមួយគ្រឿង ទើបនិងចេញមកពីមើលពូឈឺនៅមន្ទីពេទ្យរុស្ស៊ី បំណងត្រឡប់ទៅផ្ទះវិញ ទិសដៅពីលិចទៅកើត ប្តីជាអ្នកឌុបរូបគាត់អង្គុយខាងក្រោយ ដោយស្ពាយ កាបូបពីចំហៀង លុះមកដល់ចំណុចកើតហេតុ ខាងលើស្រាប់ លេចមុខជនសង្ស័យពីរនាក់ ជិះម៉ូតូ មួយគ្រឿង មកពីរក្រោយ ហើយធ្វើសកម្មភាពឆក់ កាបូបស្ពាយ របស់គាត់ មិនបានសម្រេច តែសំណាង អាក្រក់ជនសង្ស័យបានរេចង្កូតម៉ូតូបុកចំកន្ទុយម៉ូតូគាត់ពីក្រោយ បណ្តាលដួលទៅនឹងថ្នល់ បន្ទាប់មក រួបគាត់បានស្រែកចោរៗ ធ្វើឲ្យជនសង្ស័យមានការ ភ័យស្លន់ស្លោបានរត់ចោលម៉ូតូ រួចគេចខ្លួនទៅចូល ដីឡូត៍មួយកន្លែងនៅជាប់កន្លែងកើតហេតុខាងលើ ខណៈនោះកម្លាំងនគរបាលខណ្ឌពោធិសែនជ័យ ល្បាតឃើញបានដេញព័ទ្ធចាប់បានជនសង្ស័យ ទាំងពីរនាក់ភ្លាមៗតែម្តង។

មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66

បច្ចុប្បន្នជនសង្ស័យទាំងពីរនាក់រួមនិងម៉ូតូមួយគ្រឿងត្រូវបានកម្លាំងសមត្ថកិច្ចបញ្ជូនខ្លួនមកសួរនាំនៅអធិការដ្ឋាននគរបាលខណ្ឌពោធិសែនជ័យដើម្បីកសាងសំណុំរឿងបញ្ជូនទៅតុលាការចាត់ការទៅតាមនិតិវិធីច្បាប់៕