ឡើងផ្សារស្លាកបាណូ ឆ្លងចរន្តឆក់ធ្លាក់ របួសធ្ងន់ម្នាក់ និងស្រាលម្នាក់

ភ្នំពេញ៖ បុរសម្នាក់រងរបួសបែកក្បាលយ៉ាងធ្ងន់ធ្ងរ និងម្នាក់ទៀតរងបួសស្រាល ខណៈអ្នកទាំងពីរបានយកអន្ទាដែកដាក់ ឡើងផ្សារស្លាកបាណូ ដើម្បីដាក់តាំងរូបសម្តេចទាំងពីរ បណ្តាលឲ្យឆ្លងចរន្តឆក់ធ្លាក់មកក្រោម បោកក្បាលនឹងឥដ្ឋការ៉ូឡា បង្កឲុ្យមានការភ្ញាក់ផ្អើល ដល់អ្នកដំណើរ និងសមត្ថកិច្ចចុះមកកន្លែងលកើតហេតុ ការលពិីវេលាម៉ោង ២០ នឹង ០០នាទី ថ្ងៃទី ២៩ ខែ មិថុនា ឆ្នាំ ២០១៩ ស្ថិតនៅចំណុចមុខសាលាភាសាកូរ៉េ តាមបណ្តោយផ្លូវ ៥៩៨ ក្នុងសង្កាត់ទឹកល្អក់ ១ ខណ្ឌទួលគោក។

ជនរងគ្រោះមិនស្គាល់មិនអត្តសណញ្ញាណនោះទេ។

តាមប្រភពព័ត៌មានពីអ្នកឃើញហេតុការណ៍នេះបានឲ្យដឹងថា មុនកើតហេតុគេឃើញជនរងគ្រោះ បើកម៉ូតូកង់បីមួួយគ្រឿង ពាក់ស្លាកលេខ ភ្នំពេញ 1AL-0704 ទិសដៅពីត្បូងទៅជើង ខណៈមកដល់ចំណុចកើតហេតុ បានឈប់រួចនាំគ្នាលើកដែកអន្ទាដាក់ឡើងផ្សារប៉ាណូ ដើម្បីដាក់តាំងរូបសម្តេចទាំងពីរ។ ប្រភពបន្តទៀតថាខណៈកំពុងផ្សារស្រាប់តែឆ្្លងចរន្ត បែកផ្ការភ្លើងឆក់ធ្លាក់ទាំងពីរនាក់ មកក្រោម បណ្តាលឲ្យបុរសម្នាក់បោកក្បាលនឹងឥដ្ឋការ៉ឡា រងរបួសធ្ងន់ ចំណែកម្នាក់ទៀត រងរបួសស្រាល ត្រូវបានរថយន្តសង្គ្រោះបន្ទាន់គ្លីនីក ហុង ហាក់ ដឹកយកទៅសង្គ្រោះភ្លាមៗ ចំណែករុឺម៉កម៉ូតូ ត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលទឹកល្អក់ ១ រងចាំប្រគល់ជូនម្ចាស់វិញ៕