ភ្នំពេញ៖ អគ្គីភ័យបានឆាបឆេះផ្ទះអ្នកភូមិ នៅជាន់ទី២ យ៉ាងសន្ធោសន្ធៅ បង្កឲ្យមានការភ្ញាក់ផ្អេីលដល់បងប្អូនអ្នករស់នៅក្បែរខាង និងសមត្ថកិច្ចចេញមកអន្តរាគមន៍ កាលពីវេលាម៉ោង ១០យប់ ថ្ងៃទី ៨ ខែកុម្ភៈ ឆ្នាំ២០១៩ នៅចំណុចផ្ទះល្វែងមួយកន្លែង តាមបណ្តោយផ្លូវលេខ ១៨២ ស្ថិតក្នុងសង្កាត់ទឹកល្អក់ទី ៣ ខណ្ឌទួលគោក។
បើតាមប្រភពព័ត៌មានពីអ្នកឃើញហេតុការបានឲ្យដឹងថា មុនពេលកេីតហេតុ គេឃេីញមានផ្សែងហុយចេញពីបន្ទប់ជាន់ទី ២ បន្ទាប់មកក៏ចេញជាអណ្តាតភ្លេីងឆេះយ៉ាងសន្ធោសន្ធៅតែម្ដង ភ្លាមៗនោះ ប្រជាពលរដ្ឋក៏បានរាយការណ៍ទៅសមត្ថកិច្ចហៅរថយន្តពន្លត់អគ្គីភ័យជាច្រេីនគ្រឿង មកជួយអន្តរាគមន៍បាញ់ពន្លត់ផងដែរ។
សមត្ថកិច្ចបានឲ្យដឹងថា ករណីអគ្គីភ័យខាងលេី ត្រូវបានប្រេីប្រាស់រថយន្តពន្លត់អក្គីភ័យអស់ចំនួន ២២គ្រឿង ដោយប្រេីប្រាស់រយៈពេល ៣ម៉ោង ទេីបអាចគ្រប់គ្រង់ស្ថានភាពទាំងស្រុង សមត្ថកិច្ចបានបន្តថា ក្នុងការជួយពន្លត់អគ្គីភ័យខាងលើនេះ កម្លាំងជំនាញពិបាកនឹងអន្តរាគមន៍បន្តិច ដោយសារតែការឆាបឆេះនោះ គឺនៅជាន់ទី ២ នៃបន្ទប់ដាក់ឥវ៉ាន់មានដូចជាចានឆ្នាំង ចានដែកជ័រជាដេីម សមត្ថកិច្ចបានបន្តទៀតថា សម្ភារៈក្នុងផ្ទះត្រូវបានអគ្គីភ័យលេបត្របាក់អស់ទាំងស្រុង ហេីយមូលហេតុនោះ ជំហ៊ានដំបូងសន្និដ្ឋានថា មកពីឆ្លងចរន្តអគ្គិសនី៕
ឆ្លងចរន្តអគ្គសនីឆេះផ្ទះជាន់ទី ២ ផ្អេីលសមត្ថកិច្ច
Reviewed by សារព័ត៌មាន ឯករាជ្យជាតិ
on
8:35:00 PM
Rating:
No comments: