ស្រីស្អាតម្នាក់ បើករថយន្តចូលចាក់សាំងបញ្ច្រាស់ផ្លូវចរាចរណ៍ជ្រុលទៅបុកម៉ូតូកង់បីឥណ្ឌាសង៤០ដុល្លារបញ្ចប់រឿង

ភ្នំពេញ៖ ស្រីស្អាតម្នាក់បើករថយន្តមួយគ្រឿងចូលទៅចាក់សាំងបញ្ច្រាស់ផ្លូវចរាចរណ៍បណ្តាលជ្រុលចង្កូតទៅបុកម៉ូតូកង់បឥណ្ឌាមួយគ្រឿងខណះកំពុងឈប់នៅនងស្តុបបណ្តាលរងការខូចខាតតិចតួច។

ហេតុការណ៍នេះកើតឡើងកាលពីវេលាម៉ោង១និង៣០នាទីយប់រំលងអាធ្រាត្រឈានចូលថ្ងៃទី១៣ខែមិនាឆ្នាំ២០១៩ស្ថិតនៅចំណុចការ៉ាស់សាំងតេលា ស្តុបអាងទឹក តាមបណ្តោយផ្លូវមុនីរ៉េត ក្នុងសង្កាត់វាលវង់ ខណ្ឌ៧មករា។

តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញមនុស្សប្រុសក្មេងចាស់៤នាក់ជិះម៉ូតូកង់បីឥណ្ឌាមួយគ្រឿងពណ៌ក្រហមពាក់ស្លាកលេខកណ្តាល1AA-5491ធ្វើដំណើរទិសដៅពីកើតលិចលុះមកដល់ចំណុចកើតហេតុខាងលើស្តុបចរាចរណ៍ភ្លើងក្រហមហើយបានឈប់ខណះក៍មានស្រីស្អាតម្នាក់បើករថយន្តកាមរីហាយប្រីតមួយគ្រឿងពណ៌ទឹកប្រាក់ពាក់ស្លាកលេខភ្នំពេញ2V-7998ធ្វើដំណើរបញ្ច្រាស់ទិសដៅគ្នាទិសដៅពីលិចទៅកើតហើយបានបត់ឆ្វេងដៃបញ្ច្រាស់ផ្លូវចរាចរណ៍ចូលទៅចាក់សាំមិនទាន់បានចាក់ផងបានជ្រុលទៅបុកចំខាងមុខខាងស្តាំម៉ូតូកង់បីបណ្តាលកំពិតតិចតួចរួចប្រកែកគ្នាផ្អើលអ្នកធ្វើដំរណើតាមដងផ្លូវឈមើលព្រោងព្រាតព្រោះស្អាតបុកគេហើយប្រកែកមិនចង់ទទួលខុសត្រូវទៀតធ្វើឲ្យផ្អើលដល់សមត្ថកិច្ចមូលដ្ឋានចុះមកដល់កន្លែងកើតហេតុ។

ក្រោយកើតសមត្ថកិច្ចមូលដ្ឋានឲ្យភាគីទាំងសងខាងសម្របសម្រួលគ្នាដោយភាគីខាងរថយន្តបានចេញសំណងចំនួន៤០ដុល្លារទៅឲ្យខាងភាគីម៉ូតូកង់បីដើម្បីចញ្ចប់រឿងនៅនងកន្លែងកើតហេតុ៕