ញាក់សាច់​..!​!​ បើករថយន្តលុចស៊ីសលឿនពេក ហោះទៅបុកម៉ូតូហុងដាឌ្រីម ប៉ើងដូចសំឡី រងរបួសធ្ងន់យប្រុសស្រី ២នាក់

ភ្នំពេញ៖ រថយន្តលុចស៊ីសស៊េទំនើបមួយគ្រឿង បើកបោះពួយយ៉ាងលឿន ខណៈមកដល់ចំណុចផ្លូវបំបែកជាបួន មិនបានបន្ថយល្បឿន ក៏ជ្រុលទៅបុកម៉ូតូមួយគ្រឿង ប៉ើងប្រមាណជាង ដប់ម៉ែត្រ ហើយជាប់ម៉ូតូរហូតមកដល់ចំណុចស្ពានអាកាស ៧កមរា បានបើករយ៉ែថយក្រោយ ឲ្យម៉ូតូរបូត រួចបើកបន្តទៅមុខចតមុខផ្ទះធ្វើមិនដឹង។

ហេតុការណ៍នេះបានបង្កការភ្ញាក់ផ្អើលកាលពីវេលាម៉ោង ១ នឹង ១០នាទីយប់រំលងអធ្រាត ឈានចូលថ្ងៃទី ២៨ ខែ ឧសភា ឆ្នាំ ២០១៩ ស្ថិតតាមបណ្ដោយផ្លូវ ២២២ កែងផ្លូវ ៥៥ ចំណុច X2 KTV ក្នុងសង្កាត់បឹងរាំង ខណ្ឌដូនពេញ។

យោងតាមប្រភពពីកន្លែងកើតហេតុបានឲដឹងថា មុនពេលកើតហេតុ គេឃើញរថយន្តលុចស៊ីស ស៊េរីទំនើប NX200t ពណ៌ស ពាក់ស្លាកលេខ ភ្នំពេញ 2BB-6444 ធ្វើដំណើរតាមបណ្ដោយផ្លូវ ៥៥ ក្នុងទិសដៅពីជើងទៅត្បូង ក្នុងល្បឿនលឿនដូចហោះ លុះមកដលចំណុចកើតហេតុខាងលើ បានជ្រុលទៅបុកម៉ូតូឌ្រីម ០១៩ ពណ៌ខ្មៅ ពាក់ស្លាកលេខ ភ្នំពេញ 1HQ-9228 ជិះដោយបុរសម្នាក់រួមដំណើរនិងនារីម្នាក់ តាមបណ្ដោយផ្លូវ ២២២ ក្នុងទិសដៅពីលិចទៅកើត ចំពេញទំហឹង ប៉ើងដូចក្រដាស បណ្ដាលអោយរងរបួសទាំងពីរនាក់ ត្រូវរថយន្តសាម៉ុយដឹកយកទៅសង្គ្រោះភ្លាមៗ ហើយរថយន្តបង្កមិនបានឈប់ទទួលខុសត្រូវនោះទេ ព្យាយាមបើករត់ទាំងជាប់ម៉ូតូនៅខាងមុខ រថយន្ត ត្រូវបានអ្នកឃើញហេតុការណ៍ជិះម៉ូតូដេញតាមក្រោយ ស្រាប់មកដល់ចំណុចក្រោមស្ពាន ៧មករា បានឈប់ រូចរយ៉ែថយក្រោយ ឲ្យម៉ូតូរបូត រួចបើករត់បន្តទៀត រហូតចូលក្នុងបុរីមួយកន្លែងជិតស្តុុបផ្សារដីហុយ ផ្ទះលេខ 2C ផ្លូវបេតុង ឈប់រថយន្តនៅមុខផ្ទះចូលសង្ងំធ្វើមិនដឹង។

ក្រោយកើតហេតុ ប្រជាពរដ្ឋបានរាយការ​ណ៍ទៅសមត្ថកិច្ចដូនពេញ និងបានទាក់ទងជំនាញ មកយករថយន្តបង្កទៅការិយាល័យចរាចរណ៍ផ្លូវគោក នៃស្នងការដ្ឋាននគរបាល រាជធានីភ្នពេញ រងចាំដោះស្រាយតាមផ្លូវច្បាប់៕