បើករថយន្តឡង់គ្រឺស័រ ឆ្លងផ្លូវមិនប្រយ័ត្ន ជ្រុលទៅបុករថយន្តព្រូសរងការខូចខាត

ភ្មំពេញ៖ រថយន្តឡង់គ្រឺស័រមួយគ្រឿងបើកឆ្លងផ្លូវខ្វះការប្រុងប្រយ័ត្នជ្រុលចង្កូតទៅបុករថយន្តតូយូតាព្រូសមួយគ្រឿងចំហៀងខាងឆ្វេងរងកាខូចខាតសំណាងល្អមិនបង្កឲ្យមានអ្នករងរបួស។

ហេតុការណ៍នេះកើតឡើងកាលពិវេលាម៉ោង១១នង២០នាទីយប់ថ្ងៃទី១៨ខែកក្តដាឆ្នាំ២០១៩ស្ថិតនៅតាមបណ្តោយផ្លូវទំនប់៧០ កែងនិងផ្លូវR៨បឹងកក់ ក្នុងសង្កាត់ទួលសង្កែទី១ ខណ្ឌឬស្សីកែវ។

តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញរថយន្តឡង់គ្រឺស័រពណ៌ខ្មៅពាក់ស្លាកលេខភ្នំពេញ2R-1525ធ្វើដំណើរទិសដៅពីត្បូងទៅជើងខណះមកដល់ចំណុចកើតហេតុខាងលើផ្លូវទំបន់៧០បានបត់ឆ្វេងដៃទៅទិសខាងលិចបានជ្រុលទៅបុករថយន្តតូយូតាព្រូសពណ៌សមួយគ្រឿងពាក់ស្លាកលេខភ្នំពេញ2AF-0171ធ្វើដំណើរតាមបណ្តោយផ្លូវទំនប់៧០ទិសដៅពីលកើតទៅលិចចំផ្នែកចំហៀងខាងឆ្វេងរងការខូចខាតទ្វារទាំងពីរចំណែករថយន្តឡង់គ្រឺស័រកំពិតកាងខាងមុខផ្នែកខាងស្តាំ។

ក្រោយកើតហេតុសមត្ថកិច្ខមូលដ្ឋានបានចុះមកដល់បានឲ្យភាគីទាំងសងខាងសម្របសម្រួលគ្នាដោយខាងរថយន្តឡង់គ្រឺស័របានចេញសំណងចំនួន១០០ដុល្លារទៅឲ្យខាងរថយន្តព្រូសដើម្បីបញ្ចប់រឿងនៅនិងកន្លែងកើតហេតុ៕