រថយន្តតាកូម៉ាបើកមិនប្រយ័ត្ន ទៅបុកគូទរថយន្តហាយលេនឌ័រ រេចង្កូតទៅបុកនឹងរថយន្តឡិចសុីសមួយគ្រឿងទៀត រងការខូចខាតយ៉ាងដំណំ រួចបើករត់បាត់
ភ្នំពេញ÷ បុរសម្នាក់បើករថយន្តតាកូម៉ាមួយគ្រឿង បោះពួយទៅបុកគូទរថយន្តហាយលេនឌ័រ ខណៈបត់ឆ្លងផ្លូវចូលទៅចាក់សាំង បណ្តាលឲ្យរថយន្តហាយលេនឌ័រ រេចង្កូតទៅបុកនឹងរថយន្តឡិចសីុសមួយគ្រឿងទៀត ពេញទំហឹង បណ្តាលឲ្យរងកាខូចខាយ៉ាងដំណំទាំងសងខាង ចំណែករថយន្តបង្កបើករត់គេចខ្លួនបាត់ស្រមោល សំណាងល្អមិនបង្កឲ្យមានអ្នករងរបួស។
ហេតុការ៍នេះកើតឡើងកលពីវេលាម៉ោង ១០ នឹង ២០នាទីយប់ ថ្ងៃទី ៩ ខែ តុលា ឆ្នាំ ២០១៩ ស្ថិតនៅចំណុចមុខការ៉ាស់សាំង PTT តាមបណ្តោយផ្លូវសហព័ន្ធរុស្ស៊ី ក្នុងសង្កាត់កាកាបទី១ ខណ្ឌពោធិសែនជ័យ។
loading...
តាប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុ គេឃើញរថយន្តហាយលេនឌ័រមួយគ្រឿង ពណ៌ទឹកប្រាក់ ពាក់ស្លាកលេខ ភ្នំពេញ 2AD-6472 បើកបរតាមបណ្តោយផ្លូវសហពន្ធ័រុស្ស៊ី ទិសដៅពីលិចទៅកើត លុះមកដល់ចំណុចកើតហេតុខាងលើ បានបត់ឆ្វេងដៃឆ្លងផ្លូវបំរុងចូលចាក់សាំង ខណៈនោះក៏មានរថយន្តតាកូម៉ាមួយគ្រឿង ពាក់ស្លាកលេខ ភ្នំពេញ 2R-6709 បើកមកពីក្រោយក្នុងល្បឿនយ៉ាងលឿន បានជ្រុលទៅបុកគូទរថយន្តហាយលេនឌ័រ បណ្តាលឲ្យរថយន្តហាយលេនឌ័រ ជ្រុលទៅបុកនឹងរថយន្តឡិចសុីសមួយគ្រឿងទៀត ពណ៌ស ពាក់ស្លាកលេខ ភ្នំពេញ2 AK-0759 ធ្វើដំណើរបញ្ច្រាស់ទិសដៅគ្នា ពីកើតទៅលិចពេញទំហឹង បណ្តាលឲ្យរងរការខូចខាតយ៉ាងដំណំដូចគ្នា ចំណែករថយន្តតាកូម៉ាបានបើករត់គេចខ្លួនចេញពិីកន្លែងកើតហេតុបាត់ស្រមោល។
ក្រោយកើតហេតុសមត្ថកិច្ចមូលដ្ឋាន និងជំនាញខណ្ឌ បានចុះមកដល់ ធ្វើការវាស់វែងយករថយន្តទាំងពីរគ្រឿងយកទៅរក្សាទុកនៅ អធិការដ្ឋាននគរបាល ខណ្ឌពោធិសែនជ័យ រងចាំធ្វើកាដោះស្រាយគ្នានៅពេលក្រោយ៕
រថយន្តតាកូម៉ាបើកមិនប្រយ័ត្ន ទៅបុកគូទរថយន្តហាយលេនឌ័រ រេចង្កូតទៅបុកនឹងរថយន្តឡិចសុីសមួយគ្រឿងទៀត រងការខូចខាតយ៉ាងដំណំ រួចបើករត់បាត់
Reviewed by សារព័ត៌មាន ឯករាជ្យជាតិ
on
6:51:00 PM
Rating:
No comments: