ហេតុការណ៏នេះកើតឡើងនៅវេលាម៉ោង ២ នឹង ៣០នាទីយប់ទៀបភ្លឺ ថ្ងៃទី ២៣ ខែ មករា ឆ្នាំ ២០២០ ស្ថិតតាមបណ្ដោយផ្លូវម៉ុងរិទ្ធី ក្នុងសង្កាត់ភ្នំពេញថ្មី ខណ្ឌសែនសុខ។
loading...
យោងតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសម្នាក់ ទំនងជាស្រវឹងស្រា បើករថយន្តឡិចស៊ីស RX330 ពណ៌ស ពាក់ស្លាកលេខ ភ្នំពេញ 2AP-8723 ក្នុងទិសដៅពីលិចទៅកើត បោះពួយយ៉ាងលឿន បានជ្រុលទៅបុករបាំងថ្មចែកទ្រូងផ្លូវបាក់អស់ ២កង់ និងបន្តទៅបុកបង្គោលភ្លើងបំភ្លឺផ្លូវបាក់ ១ដើមរៀបដល់ដី រថយន្តបង្កររងការខូចខាតយ៉ាងដំណំ ទៅមុខលែងរួច ភ្លាមៗនោះដែរម្ចាស់រថយន្តបានទុករថយន្តចោល គេចចេញពីកន្លែងកើតហេតុបាត់។
ក្រោយកើតហេតុសមត្ថកិច្ចមូលដ្ឋាន ទាក់ទងជំនាញចុះវាស់វែង ស្ទូចរថយន្តបង្កទៅការិយាល័យចរាចរណ៏ផ្លូវគោក ស្នងការ រាជធានីភ្នំពេញ រងចាំឲ្យម្ចាស់រថយន្តចូលខ្លួនមកដោះស្រាយតាមផ្លូវច្បាប់។
បើករថយន្តឡិចស៊ីស RX330 លឿនពេកមិនប្រយ័ត្ន ព្រលះទ្រូងផ្លូវ និងបង្គោលភ្លើងបាក់ ១ដើម
Reviewed by សារព័ត៌មាន ឯករាជ្យជាតិ
on
7:52:00 PM
Rating:
No comments: