បូណា ម្នាងសិលា មានទទួលម៉ៅការសំណង់តូចធំ សូមចុចមើលព័ត៌មានលម្អិត
រាជធានីភ្នំពេញ: យុវជនម្នាក់ស្រវឹងស្រា បើករថយន្ត បោះពួយលឿនដូចហោះ ជាន់ហ្វ្រាំងមិនទាន់ បានជ្រុលចង្កូតទៅបុក គូទរថយន្តកាមរីហៃព្រីត ដែលកំពុងបើកបរ ស្របគ្នាពេញទំហឹង រួចរេចង្កូតទៅបុករនាំង ដែកចែកទ្រូងផ្លូវបាក់អស់ ៥ ផ្ទាំង បណ្តាល ឲ្យជាប់រនាំងដែកទៅមុខលែងរួច រថយន្ត ទាំងពីររងការខូចខាតយ៉ាងដំណំ។
ហេតុការណ៍នេះកើតឡើង កាលពីវេលាម៉ោង ១១ នឹង ២០ នាទីយប់ ថ្ងៃទី ១៥ ខែ មិថុនា ឆ្នាំ ២០១៦ តាមបណ្តោយផ្លូវមុន្នីវង្ស ត្រង់ចំណុច មុខហាងលកបបរស ប៉ោកី ស្ថិតក្នុង សង្កាត់បឹងកេងកង ១ ខណ្ឌចំការមន។
យោងតាមសាក្សីនៅកន្លែងកើតហេតុ បានអោយដឹងថា មុនពេលកើតហេតុ គេឃើញយុជនម្នាក់ បើករថយន្ត លុចស៊ីស RX300 ពណ៌ស ពាក់ស្លាកលេខ ភ្នំពេញ 2AH-4532 ទិសដៅពីត្បូងទៅជើង បោះពួយយ៉ាងលឿន ក្នុងស្ថានភាពស្រវឹង ស្រាជោក លុះមកដល់ចំណុចកើតហេតុ ខាងលើ ជាន់ហ្វ្រាំងមិនទាន់ ក៏ជ្រុលចង្កូតទៅ បុកគូទ រថយន្តកាមរីហៃព្រីត អត់ស្លាកលេខ ពីក្រោយពេញទំហឹង បណ្ដាលអោយខ្ទាត ជាង ២០ ម៉ែត្រ រួចរថយន្តរេចង្កូតទៅបុក រនាំងដែកចែកទ្រូងបាក់អស់ ៥ផ្ទាំង កៀបជាប់រនាំងដែកទៅមុខលែងរួច តែ សំណាងល្អមិនបណ្ដាលអោយអ្នកណារង របួសឡើយ។
ក្រោយកើតហេតុសមត្ថកិច្ចមូលដ្ឋាន បានមកដល់បានទាក់ទង ហៅសមត្ថកិច្ច ជំនាញមកធ្វើការវាស់វែងយករថយន្តទាំងពីរទៅកាន់ការិយាល័យចរាចរណ៍ជើងគោក ស្នងការ រាជធានីភ្នំពេញ រងចាំធ្វើការ ដោះស្រាយ ទៅតាមផ្លូវច្បាប់។ ស៊ីន កុសល
ចាន់ សារ៉ា ទទួលម៉ៅការសំណង់តូចធំគ្រប់ប្រភេទ
ស្រវឹងស្រាបើករថយន្តបុគូទរថយន្តមួយគ្រឿងទៀត រួចជ្រុលទៅបុករនាំងដែកចែកទ្រូងផ្លូវបាក់អស់ ៥ផ្ទាំង
Reviewed by សារព័ត៌មាន ឯករាជ្យជាតិ
on
6:00:00 PM
Rating:
No comments: