ភ្នំពេញ៖ ជនជាតិវៀតណាម ២ នាក់ ត្រូវនគរបាលប្រឆាំងបទល្មើសគ្រឿងញៀន ខណ្ឌឬស្សីកែវ សហការជាមួយនគរបាលប៉ុស្តិ៍ ទួលសង្កែ ធ្វើការចុះបង្ក្រាបទីតាំងជួញដូរ និងចែកចាយគ្រឿងញៀន មួយកន្លែង កាលពីវេលាម៉ោង ៦ នឹង ៣០ នាទីយប់ ថ្ងៃទី ២៦ ខែ កុម្ភៈ ឆ្នាំ ២០១៧ ស្ថិតនៅចំណុច ផ្ទះបែរលើទឹក ផ្លូវជាតិលេខ ៥ ក្រុម ១៤ ភូមិផ្សារតូច សង្កាត់ទួលសង្កែទី ១ ខណ្ឌឬស្សីកែវ។
សមត្ថកិច្ចបានឲ្យដឹងថា ការបង្ក្រាបគ្រឿង ញៀនខាងលើនេះ ដឹកនាំកម្លាំងដោយលោក ទៀង ច័ន្ទសារ អធិការ នៃអធិការដ្ឋាន នគរបាល ខណ្ឌឬស្សីកែវ និងលោក ម៉ៅ ចាន់ថុន នាយផ្នែកប្រឆាំងបទល្មើសគ្រឿង ញៀន ខណ្ឌឬស្សីកែវ សហការជាមួយ នគរបាលប៉ុស្តិ៍ទួលសង្កែ។
ទាញយកកម្មវិធី ព័ត៌មាន ឯករាជ្យជាតិ សំរាប់ទូរសព្ទ Android
បូណា ម្នាងសិលា មានទទួលម៉ៅការសំណង់តូចធំ គ្រប់ប្រភទ សូមចុចមើលព័ត៌មានលម្អិត
ជនសង្ស័យដែលឃាត់ខ្លួននោះ ទី១-ឈ្មោះ ឆៃ ធី ភេទ ប្រុស អាយុ ២១ ឆ្នាំ មុខរបរ មិនពិតប្រាកដ (ជួញដូរ) មានទីលំនៅ ផ្ទះគ្មានលេខ ក្រុម ១៤ ភូមិផ្សារតូច សង្កាត់ទួលសង្កែ និង ទី២-ឈ្មោះ សុខ ទី ភេទ ប្រុស អាយុ ១៨ ឆ្នាំ មុខរបរ កម្មករ សំណង់ (ប្រើប្រាស់) មានទីលំនៅផ្ទះលេខ ៧២ ក្រុម ១៤ ភូមិផ្សារតូច សង្កាត់ទួលសង្កែ ខណ្ឌឬស្សីកែវ។
សមត្ថកិច្ចបានបន្តទៀតថា ជាក់ស្តែងនៅក្នុង ប្រតិបត្តិការនេះ សមត្ថកិច្ចយើងបានធ្វើការ ឃាត់ខ្លួនជនសង្ស័យ ២ នាក់ខាងលើ ដោយកម្លាំងនគរបាលប្រឆាំងបទល្មើសគ្រឿងញៀន ខណ្ឌឬស្សីកែវ បានធ្វើការស្រាវជ្រាវ រហូតឈានដល់ការឃាត់ខ្លួន ដោយក្នុងនោះ ដកហូតគ្រឿងញៀន ៣ កញ្ចប់តូចធំ, ជញ្ចីង ថ្លឹងថ្នាំញៀនចំនួន មួយគ្រឿង, ថង់សម្រាប់ ច្រកមួយចំនួន និងឧបករណ៍សម្រាប់ ប្រើប្រាស់មួយចំនួនទៀត ហើយកម្លាំង សមត្ថកិច្ចយើងទាំងអស់ បានធ្វើការបិទ បញ្ចប់នៅវេលាម៉ោង ៧ នឹង ១០នាទីយប់ ថ្ងៃដដែល។
បច្ចុប្បន្នជនសង្ស័យទាំង ២ នាក់ខាងលើ រួមនឹងវត្ថុតាង ត្រូវសមត្ថកិច្ចឃុំខ្លួនជា បណ្តោះអាសន្ននៅអធិការដ្ឋាននគរបាល ខណ្ឌឬស្សីកែវ ដើម្បីកសាងសំណុំរឿងបញ្ជូន ទៅកាន់តុលាការចាត់ការតាមនីតិវិធីច្បាប់៕ ស៊ីន កុសល
សមត្ថកិច្ចឃាត់ខ្លួនជនជាតិវៀតណាមពីរនាក់ ដកហូតបានថ្នាំញៀន ៣កញ្ចប់
Reviewed by សារព័ត៌មាន ឯករាជ្យជាតិ
on
6:46:00 PM
Rating:
No comments: