រថយន្តយីឌុបធុនធំព្រលះក្បាលនាគចែកផ្លូវបាក់អស់ ៣កង់ ដាច់កាឡេទៅមុខលែងរួច

ភ្នំពេញ៖ បុរសតៃកុងរថយន្តម្នាក់ រួមដំណើរ និងព្រូម្នាក់ទៀត បើករថយន្តដឹកទំនិញធុនធំ ប្រភេទរថយន្តយីឌុប លឿនពេកមិនប្រយ័ត្ន ជ្រុលចង្កូតទៅបុកក្បាលនាគពុះចែកទ្រូង បាក់អស់ ៣កង់ រថយន្តដាច់កាទ្បែខាងមុខ ខាងឆ្វេងទៅលែងរួច។
ហេតុការនេះកើតទ្បើងកាលពីវេលាម៉ោង ៨ នឹង ៣០នាទីយប់ ថ្ងៃទី ១៤ ខែមិនា ឆ្នាំ២០១៧ ស្ថិតនៅចំណុចខាងត្បូងស្តុបទេពផន ប្រមាណជា ១០០ម៉ែត្រ ក្នុងសង្កាត់ផ្សារដេប៉ូ១ ខណ្ឌទួលគោក។
ទាញយកកម្មវិធី ព័ត៌មាន ឯករាជ្យជាតិ សំរាប់ទូរសព្ទ Android
បូណា ម្នាងសិលា មានទទួលម៉ៅការសំណង់តូចធំ គ្រប់ប្រភទ សូមចុចមើលព័ត៌មានលម្អិត

បូណា ម្នាងសិលា មានទទួលម៉ៅការសំណង់តូចធំ គ្រប់ប្រភទ សេវារហ័សទាន់ចិត្ត មានរចនាម៉ូដម្នាងសិលា គ្រប់ប្រភេទ តម្រូវការតាមអគារតូច-ធំ ទំនាក់ទំនងទូរស័ព្ទលេខ: 017 660 669 / 016 3000 39
យោងតាមប្រភពព័ត៌មានពីកន្លែងកើតហេតុ បានឲ្យដឹងថា មុនកើតហេតុ គេឃើញបុរសម្នាក់ រួមដំណើរនិងព្រូម្នាក់ទៀត បើករថយន្តមួយគ្រឿងម៉ាក HINO យីឌុបធុនធំ ចំណុះ១០តោន ប្រភេទរថយន្តដឹកទំនិញ ពណ៌ខៀវ ពាក់ស្លាកលេខ ភ្នំពេញ 3A-5505 តាមបណ្តោយផ្លូវម៉ៅសេងទុង ទិសដៅពីត្បូងទៅជើង ក្នុងល្បឿនលឿនដូចហោះ លុះមកដល់ចំណុចកើតហេតុលើ ដោយសាផ្លូវងងឹតផងនោះ បានរេចង្កូតទៅបុកក្បាលនាគពុះចែកទ្រូងផ្លូវពេញទំហឹង បណ្តាលឲ្យបាក់អស់ ៣កង់ រថយន្តដាច់កាទ្បេខាងមុខខាងឆ្វេងទៅមុខលែងរួច សំណាងល្អមិនមានអ្នករងរបួស។
ក្រោយកើតហេតុ សមត្ថកិច្ចមូលរដ្ឋានបានចុះមកដល់បានទំនាក់ទនង ទៅសមត្ថកិច្ចជំនាញ ចុះមកវាស់វែងយករថយន្តទៅរក្សាទុក នៅការិយាល័យចរាចរណ៏ផ្លូវគោករាជធានីភ្នំពេញ រងចាំដោះស្រាយគ្នាទៅតាមផ្លូវច្បាប់៕ ស៊ីន កុសល