យុវជនម្នាក់យករថយន្តម្ចាស់ហ្គារ៉ាស់ទើបជួសជុលហើយ បើកដើរលេង ជ្រុលទៅបុកផ្ទះលក់ក្តារម្ឈូស ក្រឡាប់ផ្ងាជើងម្ខាង

ភ្នំពេញ៖ យុវជនម្នាក់ធ្វើការនៅហ្គារ៉ាស់ រថយន្តមួយកន្លែង យករថយន្តម្ចាស់ ទើបជួសជុលហើយ ទុកលក់បន្ត បើកដើរលេងបត់ឆ្លងផ្លូវលឿនពេក ជ្រុលទៅបុកថូផ្កា នៅតាមចិញ្ចើមផ្លូវ រួចបន្តទៅបុកផ្ទះលក់ក្តារម្ឈូសពេញទំហឹង បណ្តាលឲ្យខូចខាតយ៉ាងដំណំ ចែករថយន្តក្រឡាប់ផ្ងាជើងម្ខាង សំណាងល្អមិនបង្កឲ្យមានអ្នករងរបួស។

ហេយុការណ៍នេះកើតឡើងកាលពីវេលាម៉ោង ១០ យប់ ថ្ងៃទី ២១ ខែ កញ្ញា ឆ្នាំ ២០១៨ ស្ថិតនៅចំណុចផ្ទះ តាំង ហ៊ួតសែន លក់ក្តារម្ឈូស តាមបណ្តោយផ្លូវ ២៣០ ក្នុងសង្កាត់ផ្រាដើម គ ខណ្ឌទួលគោក។

មានទទួលផ្សាយពាណិជ្ជកម្ម Tel: 016 85 63 66
មានទទួលធ្វើកាតវីស៊ីត មួយប្រអប់ត្រឹមតែ ១៥០០០ រៀល ទំនាក់ទំនងទូរស័ព្ទលេខ 016 85 63 66

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុ គេឃើញរថយន្តមួយគ្រឿង ម៉ាក NISSAN PRONTIER ពណ៌ទឹកប្រាក់ គ្មានស្លាកលេខ បើកបរដោយយុវជនម្នាក់ មានឈ្មោះ យ៉ុង សំអាន ភេទ ប្រុស អាយុ ១៩ឆ្នាំ មុខរបរធ្វើការនៅហ្គារ៉ាស់រថយន្តមួយកន្លែង ជាមួយម្ចាស់រថយន្ត ស្នាក់នៅផ្ទះលេខ ៦៤ ភូមិជាងដែក ឃុំជាងដែក ស្រុកកំពង់ត្របែក ខេត្តព្រៃវែង បានយករថយន្ត ម្ចាស់ខ្លួនឯង ទើបតែជួសជុលហើយ ដើម្បីទុកលក់បន្ត ទៅបើកដើរលេងតាមបណ្តោយផ្លូវ ២២៣ ទិសដៅពីត្បូង ទៅជើង លុះមកដល់កែងផ្លូវ ២៣០ បានបត់ឆ្វេងដៃលឿនពេក ចំណុចកើតហេតុខាងលើ បួងចង្កូតមិនទាន់ ជ្រុលទៅបុកថូផ្កា នៅតាមចិញ្ចើមផ្លូវ បណ្តាលឲ្យបែកអស់មួយ រួចបន្តទៅបុកផ្ទះ លក់ក្តារម្ឈូសពេញទំហឹង បណ្តាលឲ្យផ្ទះលក់ក្តារម្ឈូស ខូចខាតយ៉ាងដំណំ ចំណែករថយន្តបង្កក្រឡាប់ផ្ងាជើងម្ខាង ខូចខាតស្ទើរទាំងស្រុង សំណាងល្អមិនបង្កឲ្យមាន អ្នករងរបួស។ឯអ្នកបើករថយន្តបង្កត្រូវបានអ្នកឃើញ ហេតុការណ៍ ឃាត់ខ្លួនប្រគល់ជូនសមត្ថកិច្ច យកមក អធិការដ្ឋាន នគរបាល ខណ្ឌទួលគោក ភ្លាមៗ។

ក្រោយកើតហេតុសមត្ថកិច្ចជំនាញបានធ្វើការវាស់វែង យករថយន្តបង្កទៅរក្សាទុកនៅអធិការដ្ឋាននគរបាល ខណ្ឌទួលគោក រងចាំដោះស្រាយគ្នាទៅតាមផ្លូវច្បាប់៕