បុរសជនជាតិចិនម្នាក់ បើករថយន្ត BMW ព្រលះក្បាលនាគ ពុះចែកទ្រូង ផ្លូវ ក្រឡាក់ផ្ងាជើងទ្រមេឃ រងរបួសធ្ងន់ម្នាក់

ភ្នំពេញ៖ បុរសជនជាតិចិនម្នាក់ បើករថយន្តស៊េរីទំនើបមួយគ្រឿងម៉ាក BMW ក្នុងល្បឿនលឿន បានជ្រុលចង្កូត ទៅបុកក្បាលនាគពុះចែកទ្រូងផ្លូវ បណ្តាលឲ្យបាក់អស់ ១កង់ រថយន្តបង្ក ក្រឡាប់ផ្ងាជើងទ្រមេឃ ចំណែកម្ចាស់ រថយន្តបង្ករងរបួសធ្ងន់។

ហេតុការណ៍នេះកើតឡើងកាលពីវេលាម៉ោង ១២ នឹង ២០នាទីយប់រំលង អាធ្រាត្រ ឈានចូលថ្ងៃទី ២២ ខែ កញ្ញា ឆ្នាំ ២០១៨ ស្ថិតនៅចំណុចមុខអាកាស យានដ្ឋានអន្តរជាតិ ភ្នំពេញ ក្នុងសង្កាត់ កាកាប ២ ខណ្ឌពោធិសែនជ័យ។

មានទទួលផ្សាយពាណិជ្ជកម្ម Tel: 016 85 63 66
មានទទួលធ្វើកាតវីស៊ីត មួយប្រអប់ត្រឹមតែ ១៥០០០ រៀល ទំនាក់ទំនងទូរស័ព្ទលេខ 016 85 63 66

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុ គេឃើញបុរស ជនជាតិចិនម្នាក់ បើករថយន្តស៊េរីទំនើប មួយគ្រឿង ម៉ាក BMW ពណ៌ស ពាក់ស្លាកលេខ ភ្នំពេញ 2S-0883 ទិសដៅពីលិចទៅកើត ក្នុងល្បឿនយ៉ាង លឿន លុះមកដល់ចំណុចកើតហេតុ ខាងលើ បានរេចង្កូតមកខាងឆ្វេងដៃ ជ្រុលទៅបុកក្បាលនាគពុះចែកទ្រូងផ្លូវ ពេញទំហឹង បណ្តាលឲ្យរងរបួសធ្ងន់ ត្រូវបានរថយន្តសង្ក្រោះបន្ទាន់ដឹងយកទៅសង្គ្រោះភ្លាមៗ ចំណែកក្បាលនាគ ពុះចែកទ្រូងផ្លូវបាក់អស់ ១កង់ រីឯរថយន្តបង្កក្រឡាប់ផ្ងាជើងទ្រមេឃ ខូចខាតស្ទើរទាំងស្រុង។

ក្រោយកើតហេតុ សមត្ថកិច្ចមូលដ្ឋានបាន ចុះមកដល់ ទំនាក់ទំនងទៅសមត្ថកិច្ច ជំនាញ ចុះមកវាស់វែងយករថយន្តបង្ក ទៅរក្សាទុកនៅការិយាល័យចរាចរណ៍ ផ្លូវគោក រាជធានីភ្នំពេញ រងចាំដោះ ស្រាយគ្នាទៅតាមផ្លូវច្បាប់៕