បុរសជនជាតិកូរ៉េម្នាក់ ស្រវឹងស្រាធ្លាក់ ភ្នែក បើករថយន្តបុករុឺម៉កម៉ូតូពីក្រោយ រងរបួសធ្ងន់ម្នាក់

ភ្នំពេញ៖ បុរសជនជាតិកូរ៉េម្នាក់ស្រវឹងស្រា ជោក បើករថយន្តហ៊ីយ៉ាន់ដាយ មួយ គ្រឿង ជ្រុលទៅបុកម៉ូតូរុឺម៉ក ពីក្រោយ ត្រង់ចំណុចស្តុបផ្សារដេប៉ូ បណ្តាលឲ្យ ម្ចាស់ម៉ូតូរុឺម៉ក ផ្លោងទៅបោកនឹង មាត់លូ នៅតាមចិញ្ចើមផ្លូវរងរបួស បែកក្បាលធ្ងន់។

ហេតុការណ៍នេះកើតឡើងកាលពីវេលាម៉ោង ១១ នឹង ១០នាទីយប់ ថ្ងៃទី ២៥ ខែ កញ្ញា ឆ្នាំ ២០១៨ ស្ថិតនៅចំណុច ស្តុបផ្សារដេប៉ូ តាមបណ្តោយផ្លូវ ២១៥ កែងផ្លូវ ១៨២ ក្នុងសង្កាត់ផ្សារដេប៉ូ១ ខណ្ឌទួលគោក។

មានទទួលផ្សាយពាណិជ្ជកម្ម Tel: 016 85 63 66
មានទទួលធ្វើកាតវីស៊ីត មួយប្រអប់ត្រឹមតែ ១៥០០០ រៀល ទំនាក់ទំនងទូរស័ព្ទលេខ 016 85 63 66

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុ គេឃើញបុរស ជនជាតិកូរ៉េម្នាក់ ស្រវឹងស្រាជោក បើករថយន្តហ៊ីយ៉ាន់ដាយមួយគ្រឿង ពណ៌ទឹកប្រាក់ ពាក់ស្លាកលេខ ភ្នំពេញ 2AL-0760 តាមបណ្តោយផ្លូវ ២១៥ ទិសដៅពីជើងទៅត្បូង លុះមកដល់ស្តុប បែកជាបួនកែងផ្លូវ ១៨២ បានជ្រុលចង្កូត ទៅបុកម៉ូតូកង់បួនមួយគ្រឿង ពណ៌ ក្រហម ពាក់ស្លាកលេខ ស្វាយរៀង 1I-6956 បើកបរដោយបុរសម្នាក់ នៅខាងមុខស្របទិសដៅគ្នា ពីក្រោយ បណ្តាលឲ្យម្ចាស់ម៉ូតូកង់បួនផ្លោងទៅ បោកនិងមាត់លូនៅតាមចិញ្ចើមផ្លូវបែកក្បាលរងរបួសធ្ងន់ត្រូវបានរថយន្តសង្គ្រោះបន្ទាន់ក្លីនីកហុង ហាក់ ដឹងយកទៅ សង្គ្រោះភ្លាមៗ ចំណែកម៉ូតូកង់បួន ខូចខាតតយ៉ាងដំណំ រីឯរថយន្តខូចខាត តិចតួច ភ្លាមៗនោះរថយន្តបង្កបំរុង បើករត់ ត្រូវអ្នកឃើញហេតុការណ៍នេះ ជួយឃាត់បានទាំងរថយន្ត និងអ្នកបើកបរ ប្រគល់ឲ្យសមត្ថកិច្ចមូលដ្ឋានតែម្តងៗ។

ក្រោយកើតហេតុ សមត្ថកិច្ចមូលដ្ឋាន បានប្រគល់ម្ចាស់រថយន្តជូនទៅសមត្ថកិច្ចជំនាញ ចំណែករថយន្តម៉ូតូកង់បួន ត្រូវ សមត្ថកិច្ចធ្វើការវាស់វែងយកទៅតក្សាទុកនៅ ការិយាល័យចតាចរណ៍ផ្លូវគោក រាជធានីភ្នំពេញ រងចាំដោះស្រាយគ្នាទៅ តាមផ្លូវច្បាប់៕