រថយន្តពីរគ្រឿងព្រលះ គ្នាពេញទំហឹង ក្នុងបញ្ច្រាស់ទិសដៅគ្នា រងខូចខាត ទាំងពីរ

ភ្នំពេញ៖ រថយន្តកាមរីហាយប្រ៊ីត បោះពួយយ៉ាងលឿន បានបើកវ៉ាជែង ជ្រុលទៅបុករថយន្តហ្វតរ៉េនជរ កំពុងធ្វើ ដំណើរបញ្ច្រាស់ទិសគ្នាពេញទំហឹង បណ្ដាលឲ្យដាច់កាឡេកង់មុខខាងឆ្វេងដូចគ្នា តែសំណាងល្អមិនមានអ្នករបួស។

ហេតុការណ៍គ្រោះថ្នាក់ចរាចរណ៍នេះកើតឡើងនៅវេលាម៉ោង ៩ នឹង ២០នាទីយប់ ថ្ងៃទី ២៤ ខែ កញ្ញា ឆ្នាំ ២០១៨ ស្ថិតតាម បណ្ដោយផ្លូវ ១៨២ ចំណុចជិតប៉ុស្តិ៍ ទឹកល្អក់ ៣ ក្នុងខណ្ឌទួលគោក។

មានទទួលផ្សាយពាណិជ្ជកម្ម Tel: 016 85 63 66
មានទទួលធ្វើកាតវីស៊ីត មួយប្រអប់ត្រឹមតែ ១៥០០០ រៀល ទំនាក់ទំនងទូរស័ព្ទលេខ 016 85 63 66

យោងតាមព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញ រថយន្តកាមរីហាយប្រ៊ីត ពណ៌ស ពាក់ស្លាកលេខ ភ្នំពេញ 2Z-0841 ធ្វើដំណើរពីកើតទៅលិច ក្នុងល្បឿន លឿន ខណៈមកដល់ចំណុចកើតហេតុ ខាងលើ បានវ៉ាជែងជ្រុលទៅបុករថយន្ត ហ្វតរ៉េនជ័រ ពណ៌ខៀវ ពាក់ស្លាកលេខ ខេមរៈភូមិន្ទ 09-2-6960 កំពុងធ្វើ ដំណើរពីលិចទៅកើត ក្នុងបញ្ច្រាស់ ទិសដៅគ្នាពេញទំហឹង បណ្ដាលឲ្យ រថយន្តទាំងពីរគ្រឿងដាច់កាឡេកង់មុខ ខាងឆ្វេងដូចគ្នារងការខូចខាតយ៉ាងដំណំ ដោយមិនអាចបន្តដំណើរទៅមុខទៀតបាន។

ក្រោយកើតហេតុភាគីទាំងសងខាងបានសំរបសំរួលគ្នា ដោយខាងរថយន្តកាមរី ហាយប្រ៊ីត ព្រមចេញថ្លៃជួលជុលរថយន្ត ហ្វតរ៉េនជ័រឲ្យស្អាតឡើងវិញដើម្បីបញ្ចប់រឿង។