​បុរសជាកម្មករនៅផ្សារនាគមាស ម្នាក់ ត្រូវឃាតកបាញ់ ប្រហារចំនួន ៤គ្រាប់ ស្លាប់ក្នុងថ្លុកឈាមទាំងព្រឹកព្រលឹម

ភ្នំពេញ៖  បុរសជាកម្មករនៅផ្សារ នាគមាស ម្នាក់ ត្រូវបានឃាតកបាញ់ ប្រហារចំនួន ៤គ្រាប់ បណ្តាលឲ្យដួល ផ្កាប់មុខស្លាប់យ៉ាងអាណោចអាធ័មក្នុងថ្លុកឈាមយ៉ាងរន្ធត់ ហើយរត់គេចខ្លួនបាត់ ស្រមោល។

ហេតុការណ៍នេះបង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចចុះមកដល់ កន្លែង កើតហេតុ កាលពីវេលាម៉ោង ៥ នឹង ២០នាទីព្រឹក ថ្ងៃទី២៣ ខែកញ្ញា ឆ្នាំ ២០១៨ ស្ថិតនៅចំណុច A6 ផ្សារ នាគមាស តាមបណ្តោយផ្លូវផ្លូវ ២៣៤  ក្នុងសង្កាត់ផ្សារដើម-គ ខណ្ឌទួលគោក។

មានទទួលធ្វើកាតវីស៊ីត មួយប្រអប់ត្រឹមតែ ១៥០០០ រៀល ទំនាក់ទំនងទូរស័ព្ទលេខ 016 85 63 66
មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66

សមត្ថកិច្ចប្រាប់ឲ្យដឹងថា ជនរងគ្រោះ (ស្លាប់) មានឈ្មោះ ធី ធូ ភេទ ប្រុស​អាយុ ២៨ឆ្នាំ មានស្រុកកំណើតនៅភូមិដណ្តែក ឃុំគោកសណ្តែក ស្រុកស្អាង ខេត្តតាកែវ ត្រូវបានឃាតក បាញ់ប្រហារចំនួន ៤ គ្រាប់ស្លាប់នៅនឹងកន្លែង។ ចំណែក ឃាតក ក្រោយពីបាញ់សម្លាប់ជន រងគ្រោះរួច បានគេចខ្លួនបាត់ស្រមោល។

ក្រោយកើតហេតុ សមត្ថកិច្ចនគរបាល ជំនាញផ្នែកកោសល្យវិច្ច័យ រួម និងកម្លាំង មានសមត្ថកិច្ចបានចុះមកធ្វើការត្រួតពិនិត្យ ហ៊ុំព័ទ្ធទីតាំងកើតហេតុ ដើម្បីធ្វើ កោសល្យវិច័យ និងបានដឹកយកសព ជនរងគ្រោះទៅតម្កល់ទុកនៅ វត្តស្ទឹងមានជ័យ យកមកធ្វើកោសល្យ វិច្ច័យបន្ត ដើម្បីស្រាវជ្រាវរកសាច់ញាតិ ក្រុមគ្រួសារឲ្យមកទទួល យកទៅធ្វើ បុណ្យតាមប្រពៃណី និងស្រាវជ្រាវរកជន ល្មើសជាឃាតក ដើម្បីយកមកផ្តន្ទាទោស តាមច្បាប់៕