រថយន្តបាឡែនព្រលះឌ្រីមសង់ ពីក្រោយ រងរបួសធ្ងន់ស្រាលពីរនាក់

ភ្នំពេញ៖ ប្ដីប្រពន្ធពីរនាក់រងរបួសធ្ងន់ និងស្រាលបានបញ្ជូនទៅសង្គ្រោះទៅមន្ទីរពេទ្យបន្ទាប់ពីមានរថយន្តកាមរីបាឡែនមួយគ្រឿងបើកដោយបុរសម្នាក់ស្រវឹងស្រាធ្លាក់ភែកបានបុកពីក្រោយពេញទំហឹង កាលពីវេលាម៉ោង ១០ នឹង ៣០នាទីយប់ ថ្ងៃទី ២៣ ខែ កញ្ញា ឆ្នាំ ២០១៨ ស្ថិតតាមបណ្ដោយផ្លូវ៣៧១សឡាចំនុចជាប់ការ៉ាសសាំងតេលា ក្នុងសង្កាត់អូរបែកក្អម ខណ្ឌខណ្ឌសែនសុខ។

មានទទួលធ្វើកាតវីស៊ីត មួយប្រអប់ត្រឹមតែ ១៥០០០ រៀល ទំនាក់ទំនងទូរស័ព្ទលេខ 016 85 63 66
មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66

តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុ គេឃើញបុរសម្នាក់ បើករថយន្តកាមរីបាឡែនមួយគ្រឿង ពណ៌ខ្មៅ ពាក់ស្លាកលេខ ភ្នំពេញ 2Q-4102 ពីជើងទៅត្បូងក្នុងស្ថានភាពស្រវឹងស្រាជោក ខណៈមកដល់ចំណុចកើតហេតុខាងលើ បានជ្រុលទៅបុកម៉ូតូឌ្រីមសង់ ០១៤ ពណ៌ខ្មៅ មួយគ្រឿង ពាក់ស្លាកលេខ ភ្នំពេញ 1CR-9259 ជិះដោយប្ដីប្រពន្ធពីរនាក់ ធ្វើដំណើរស្របគ្នាពីក្រោយពេញទំហឹង បណ្ដាលបោកនឹងថ្នល់ រងរបួសធ្ងន់ និងស្រាល ភ្លាមនោះដែររថយន្តបង្កបានរយ៉ែថយក្រោយបំរុងបើករត់ ក៏បានទៅប៉ះរថយន្តកូរ៉េមួយគ្រឿង ដែលនៅពីក្រោយ ធ្វើអោយរថយន្តមិនអាចទៅមុខបាន ហើយអ្នកបើកបរបានទ្វាររថយន្តគេចខ្លួនពីកន្លែងកើតហេតុបាត់ ចំណែករថយន្តកូរ៉េមិនចង់វែងឆ្ងាយបានបន្តដំណើរទៅមុខបន្តទៀត ភ្លាមៗនោះជនរងគ្រោះទាំងពីរនាក់ប្ដីប្រពន្ធបានបញ្ជូនទៅមន្ទីរពេទ្យឯកជនសួរគា៌ ដោយជំម្ងឺធ្ងន់ធ្ងរត្រូវវះកាត់ក៏បញ្ជូនបន្តទៅមន្ទីរពេទ្យរុស្ស៊ី។

ក្រោយកើតហេតុសមត្ថកិច្ចមូលដ្ឋានបានមកដល់កន្លែងកើតហេតុ ទាក់ទងជំនាញខណ្ឌ មកវាស់វែងយករថយន្តបង្ក និងម៉ូតូជនរងគ្រោះទៅរក្សាទុកនៅអធិការដ្ឋានខណ្ឌសែនសុខ រងចាំដោះស្រាយនៅពេលក្រោយ។