អតីតប្ដីដើម ចាក់ជនជាតិចិន ជាប្ដីក្រោយស្លាប់ ពេលបញ្ជូនទៅមន្ទីរពេទ្យ រួចចាក់ទាំង ប្រពន្ធ និងម្ដាយ ជាច្រើនកាំបិតរងរបួសធ្ងន់ ផ្អើលហាងស៊ុប Family BBQ

ភ្នំពេញ ៖ មានហេតុការណ៍មួយ ផ្អើលរត់ជាន់ជើងគ្នាពេញហាងស៊ុបមួយកន្លែង បន្ទាប់ពីស្ត្រីជាប្រពន្ធ និងប្ដីក្រោយ
ដែលជាជនជាតិចិន និងកូន ២នាក់ និងស្ត្រីម្នាក់ទៀតសរុប ទាំងអស់ ៥នាក់ ចូលមកញ៉ាំស៊ុប ស្រាប់តែមួយសន្ទុះ ក្រោយមក ក៏មានបុរសដែលគេអះអាង ថា ជាប្ដីដើម បានជិះម៉ូតូមកមកឈប់ ចុះធ្វើសកម្មភាពចាក់ទាំងក្រុមគ្រួសារ បណ្តាលឲ្យស្ត្រីជាប្រពន្ធរងរបួសផងដែរ ហើយក៏បានរត់គេចខ្លួនបាត់ស្រមោលតែម្តង។

ហេតុការណ៍ដ៏រន្ធត់បង្កឲ្យមានការភ្ញាក់ផ្អើលនេះ កាលពីវេលាម៉ោង ០៧:២០នាទីយប់ ថ្ងៃ ចន្ទ ទី២៤ ខែធ្នូ ឆ្នាំ ២០១៨ នៅត្រង់ចំណុចផ្ទះលេខ ៧៩៣ (ហាង Family BBQ Buffet) ផ្លូវ១០១ ស្ថិតក្នុងសង្កាត់បឹងត្របែក ខណ្ឌចំការមន។

សេចក្តីណែនាំ៖ ពេលលោកអ្នក Download App ព័ត៌មានឯករាជ្យជាតិ រួច ត្រូវចុចលើ Setting បន្ទាប់មករកមើលពាក្យថា Unnown រួចគ្រីសទៅលើវា លោកអ្នកនឹងឃើញពាក្យថា Installing ហើយចុចនៅលើពាក្យនោះ លោកអ្នកនឹងឃើញសញ្ញា Logo សារព័ត៌មាន ឯករាជ្យជាតិ

បើតាមមន្ត្រីអាវុធហត្ថ ខណ្ឌចំការមន បានអោយដឹងមុននេះថា បុរសជនជាតិចិន ដែលជាប្ដីក្រោយនោះ បានស្លាប់ហើយ ក្រោយពីបញ្ជូនទៅ មន្ទីរពេទ្យរុស្ស៊ី។

បើតាមលោក ហៀង ណារ៉េត អធិការរងនគរបាល ខណ្ឌចំការមន បានប្រាប់អោយដឹងដែរថា បុរសដៃដល់ ដែលធ្វើសកម្មភាពចាក់ទៅលើមនុស្ស ៣នាក់ បណ្ដាលឲ្យស្លាប់ខាងលើនោះ គឺជាអតីតប្ដីរបស់នារីរងគ្រោះ មិនទាន់ ស្គាល់អត្តសញ្ញាណទេ តែត្រូវបានគេ ស្គាល់ថាជាមន្ត្រីយោធា និងមិនទាន់ដឹង ថា ជាករណីអ្វីនោះទេ ព្រោះកម្លាំងលោកកំពុងធ្វើការស្រាវជ្រាវមួយជំហានសិន។

មានទទួលធ្វើកាតវីស៊ីត មួយប្រអប់ត្រឹមតែ ១៤០០០ រៀល ទំនាក់ទំនងទូរស័ព្ទលេខ 016 85 63 66

បើតាមការរៀបរាប់ពីសន្តិសុខយាមម៉ូតូមុខហាង បានរៀបរាប់ប្រាប់សមត្ថកិច្ចថា នៅមុនពេលកើតហេតុ គេបានឃើញ នារីរងគ្រោះ (ជាប្រពន្ធ) និងក្រុមគ្រួសារ (មានកូន២នាក់ និងស្ត្រីម្នាក់ទៀតជាម្ដាយ) បានជិះរថយន្ត Highlander មួយគ្រឿងមកហាងកើតហេតុខាងលើ ទើបមួយសន្ទុះក្រោយមក មានជនជាតិ ចិន ដែលជាប្ដីក្រោយ ជិះកង់មួយគ្រឿង មកតាមក្រោយ ទើបនាំគ្នាហៅស៊ុបញុាំជុំគ្នា មួយសន្ទុះក្រោយមក ស្រាប់តែលេចមុខជនដៃដល់ ដែលជាប្ដី ដើម ជិះម៉ូតូសមួយគ្រឿង ម៉ាក PCX មិនចាំស្លាកលេខ កាត់មុខហាងមួយជុំ រួចទើបជិះយកម៉ូតូទៅទុកនៅខាងក្រោយរថយន្ត ដែលគេចតចោលនៅក្បែរហាង ខាងលើ រួចដើរចូលទៅក្នុងហាង ស្របពេលនោះដែរក្រុមនារីរត់តុ ក៏បាន សាកសួររកថា អញ្ជើញពិសារអ្វីដែរ តែបុរសជាជនដៃដល់ មិនឆ្លើយតបនោះ ទេ បែរជាប្រញ៉ាប់ដើរសំដៅទៅរក បុរសជនជាតិចិនរងគ្រោះ ដែលកំពុង អង្គុយហូបស៊ុបជាមួយប្រពន្ធ និងកូន រួមទាំងម្ដាយក្មេក រួចធ្វើសកម្មភាពដក កាំបិតដែលទុកនៅក្នុងកាបូបស្ពាយនោះ ចាក់ទៅលើជនជាតិចិននោះ ជាច្រើន កាំបិត បណ្ដាលឲ្យរងរបួសធ្ងន់ ហូរឈាមពេញហាង ចំណែកឯនារីជា ប្រពន្ធ និងស្ត្រីជាម្ដាយ ក៏ត្រូវបានបុរស ជាប្ដីដើមនោះ ចាក់ជាច្រើនកាំបិត បណ្ដាលឲ្យរបួសធ្ងន់ទាំង ២នាក់នោះ ។ ក្រោយពីធ្វើសកម្មភាពចាក់ទៅលើ មនុស្ស ៣នាក់ខាងលើបណ្ដាលឲ្យ រងរបួសធ្ងន់ហើយ ជនដៃដល់បានដើរ ចេញពីហាងខាងលើ ទៅយកម៉ូតូវិញ ស្របពេលជាមួយគ្នានោះមានភ្ញៀវ និងបុគ្គលិកក្នុងហាង បានរត់ចេញមក ជួយចាប់ដែរ តែដោយសារតែឃើញកាំភ្លើងនៅជាប់ចង្កេះរបស់ ជនដៃដល់នោះ ទើបមិនមានអ្នកណា ហ៊ានចូលទៅឃាត់និងចាប់ឡើយ ទើបជនដៃដល់ឡើងជិះម៉ូតូចេញទៅបាត់ស្រមោល។

មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66

បន្ទាប់មកស្ត្រីជាប្រពន្ធ និងស្ត្រីជាម្ដាយ ដែលរងរបួសត្រូវបានគេដឹកតាមម៉ូតូទៅសង្គ្រោះភ្លាមៗ នៅឯគ្លីនិកឯកជនទំនើប ចំណែកឯបុរសជនជាតិចិនត្រូវបានបញ្ជូន ទៅមន្ទីរពេទ្យរុស្ស៊ី តែអកុសលបានស្លាប់ ពាក់កណ្ដាលផ្លូវបាត់ទៅហើយ។

ក្រោយពេលកើតហេតុ គេឃើញមាន កម្លាំងអាវុធហត្ថ ខណ្ឌចំការមន និងកម្លាំងនគរបាល ខណ្ឌចំការមន ចុះមកកន្លែងកើតហេតុ ដើម្បីធ្វើការ ស្រាវជ្រាវ និងសុើបអង្កេតតាមជំនាញ និងឈានទៅដល់ចាប់ជនដៃដល់មកផ្ដន្ទាទោសតាមផ្លូវច្បាប់។