ភ្នំពេញ៖ បុរសម្នាក់ រួមដំណើរពីរនាក់ទៀត បើករថយន្តមួយគ្រឿងបោះពួយយ៉ាងលឿន បានជ្រុលទៅបុករថយន្តមួយគ្រឿងទៀតចតស្ងៀម លើចិញ្ចើមផ្លូវចំហៀងខាងស្ដាំពេញទំហឹង រងការខូចខាត ហើយព្យាយាមបើករត់រហូតដល់ស្តុបនាគបាញ់ទឹកទៅមុខលែងរូច។
ហេតុការណ៍នេះកើតឡើងនៅវេលាម៉ោង ១១ នឹង ៣០នាទីយប់ ថ្ងៃទី ១០ ខែ កុម្ភៈ ឆ្នាំ២០១៩ ស្ថិតតាមបណ្ដោយផ្លូវព្រះស៊ីហនុ ចំណុចមុខក្រសួងបរិស្ថានចាស់ ក្នុងសង្កាត់ទន្លេបាសាក់ ខណ្ឌចំការមន។
យោងតាមប្រភពពីកន្លែងកើតបានអោយដឹងថា មុនពេលកើតហេតុ គេឃើញបុរសម្នាក់ រួមដំណើរពីរនាក់ទៀត បើករថយន្តកាមរីហាយប្រ៊ីត ពណ៌ទឹកប្រាក់ ពាក់ស្លាកលេខ ភ្នំពេញ 2P-8447 ធ្វើដំណើរក្នុងទិសដៅពីលិចទៅកើតក្នុងល្បឿនយ៉ាងលឿនខណះមកដល់ចំនុចកើតហេតុខាងលើបានរេចង្កូតមកខាងឆ្វេងជ្រុលទៅបុករថយន្តកាមរីបាឡែនពណ័សមួយគ្រឿងពាក់ស្លាកលេខភ្នំពេញ 2AP-1517 ដែលម្ចាស់ចតទុកស្ងៀម អែបចិញ្ចើមផ្លូវពេញមួយចំហៀងខាងស្ដាំ រងការខូចខាតយ៉ាងដំណំ ភ្លាមៗនោះដែររថយន្តបង្កមិនព្រមឈប់ទទួលខុសត្រូវទេ ព្យាយាមបើករត់រហូតដល់ស្តុបនាគបាញ់ទឹក ទៅមុខលែងរួចតែសំណាងល្អមិនមានអ្នករបួស។
ក្រោយកើតហេតុសមត្ថកិច្វមូលដ្ឋានចុះដល់កន្លែងកើតហេតុ អោយភាគីទាំងសងខាងសម្របសម្រួលគ្នា ដោយខាងរថយន្តកាមរីហាយប្រ៊ីត ព្រមចេញថ្លៃជួសជុលរថយន្តកាមរីបានឡែន ដើម្បីបញ្ចប់រឿង។
បើករថយន្តលឿនពេក ព្រលះកាមរីបាឡែនចតស្ងៀម លើចិញ្ចើមរងការខូចខាតទាំសងខាង
Reviewed by សារព័ត៌មាន ឯករាជ្យជាតិ
on
7:34:00 PM
Rating:
No comments: