ភ្នំពេញ៖ រថយន្តព្រូសមួយគ្រឿង បើកបោះពួយយ៉ាងលឿន រេចង្កូតឡើងលើសួនច្បារចែកទ្រូងផ្លូវ ជ្រុលទៅបុកស្លាកសញ្ញាបង្ហាញផ្លូវ បណ្តាលឲ្យបាក់មួយដើមរាបដល់ដី ចំណែករថយន្តបង្កខូចខាតខាងមុខយ៉ាងដំណំទៅមុខលែងរួច។
ហេតុការណ៍នេះកើតឡើងកាលពីវេលាម៉ោង ១១ នឹង ៣០នាទីយប់ ថ្ងៃទី ៩ ខែ កុម្ភៈ ឆ្នាំ ២០១៩ ស្ថិតនៅចំណុចមុខសាលាកសិកម្ម តាមបណ្តោយផ្លូវជាតិលេខ ៦អា ក្នុងសង្កាត់ព្រែកលាប ខណ្ឌជ្រោយចង្វារ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុ គេឃើញរថយន្តព្រូសមួយគ្រឿង ពណ៌ខៀវ ពាក់ស្លាកលេខ ភ្នំពេញ 2AV-6017 ធ្វើដំណើរទិសដៅពីត្បូងទៅជើង លុះមកដល់ចំណុចកើតហេតុខាងលើ បានរេចង្កូតមកខាងឆ្វេងដៃ ឡើងលើសួនច្បារចែកទ្រូងផ្លូវ ជ្រុលទៅបុកស្លាកសញ្ញាបង្ហាញផ្លូវ បណ្តាលអោយបាក់មួយដើមរាបដល់ដី ចំណែករថយន្តបង្កខូចខាតផ្នែកខាងមុខយ៉ាងដំណំទៅមុខលែងរួច។
ក្រោយកើតហេតុ សមត្ថកិច្ចមូលដ្ឋាន និងជំនាញខណ្ឌ បានចុះមកដល់ ធ្វើការវាស់វែងយករថយន្តទៅរក្សាទុកនៅអធិការដ្ឋាននគរបាល ខណ្ឌជ្រោយចង្វារ រងចាំដោះស្រាយគ្នាទៅតាមផ្លូវច្បាប់៕
បើករថយន្តលឿនពេក ទៅឡើងលើសួនច្បារចែកទ្រូងផ្លូវ បុកស្លាកសញ្ញាបង្ហាញផ្លូវបាក់រាបដល់ដី
Reviewed by សារព័ត៌មាន ឯករាជ្យជាតិ
on
7:30:00 PM
Rating:
No comments: