ក្មេងស្ទាវ២ក្រុមជិះម៉ូតូប៉ះគ្នាតិចតួចបេីកឆាកប្រយុទ្ធគ្នា​ ដូចរឿងចិនហុងកុង​ផ្អើលសមត្ថកិច្ចចុះអន្តរាគមន៍

ភ្នំពេញ៖​ ក្មេងស្ទាវ២ក្រុមជិះម៉ូតូប៉ះតិចតួចឌឺដងដាក់គ្នា បេីកឆាកប្រយុទ្ធគ្នា​ ដូចរឿងចិនហុងកុង​ នៅស្តុបសន្ធរម៉ុក​​ផ្អើលដល់សមត្ថកិច្ចដ្ឋានចុះមកអន្តរាគមន៍។

កាលពី វេលាម៉ោងប្រហែលម៉ោង​ ១១.៤០​ នាទីយប់ថ្ងៃទី១៣​ ខែមិនា​ ឆ្នាំ២០១៩​ ដែលស្ថិតតាមបណ្ដោយផ្លូវកម្ពុជាក្រោមកែងនិងផ្លូវកម្ពុជាក្រោម(ស្តុបសន្ធរម៉ុក)សង្កាត់ទឹកល្អក់ទី១ ខណ្ឌទួលគោក​ រាជធានីភ្នំពេញ។

ប្រភពពីកន្លែងកេីតហេតុបានអោយដឹងថា​ មុនពេលកេីតហេតុ​គេ ឃេីញក្មេងស្ទាវពីរក្រុមមានគ្នា ជាច្រើននាក់ជិះ ម៉ូតូជាច្រេីនគ្រឿងបានជិះប៉ះគ្នាតិចតួចនិងឌឺដងដាក់គ្នារួចកើតជាជម្លោះពាក្យសម្តីដាក់គ្នាកើតជាហិង្សា​ភាគីខ្លះប្រដាប់ ដោយខ្សែក្រវ៉ាត់ដំបង​និងដាវ បានដេញវ៉ៃគ្នាយ៉ាងប្រសាចពេញផ្លូវ​ យ៉ាងអាណាធិបតេយ្យ​ តាមបណ្ដោយផ្លូវកម្ពុជាក្រោមរហូតមកដល់ស្តុបសន្ធម៉ុក​ ត្រូវបានសមត្ថកិច្ចស្ទាក់ព័ទ្ធចាប់បាន៣នាក់ម៉ូតូម៉ាក​ FiNO​ មួយគ្រឿងពណ៌ខៀវលាយសរពាក់ស្លាកលេខ​ភ្នំពេញ-1-CW-9188-មិនទាន់ដឹងច្បាស់ជាជនរងគ្រោះ​ឫុជនបង្កនោះទេ។

ក្រោយពេលកេីតហេតុ​ សមត្ថកិច្ចបាននាំបុរសទាំង៣ខាងលេី​ ទៅសួរនាំនៅប៉ុស្តិ៍​នគរបាលសង្កាត់ទឹកល្អក់១បន្ត ជុំវិញករណីវ៉ៃគ្នាឡេីងកប្រសេកប្រសាចពេញតាមដងផ្លូវ ដេីម្បីវែកមុខរកជនបង្កមកផ្ដន្ទា​ទោសតាមផ្លូវច្បាប់។