បើករថយន្តកុងតឺន័រមិនប្រយ័ត្ន ជ្រុលទៅបុករថយន្តឡង់គ្រីស័រពីក្រោយបែកស្តុបម្ខាង

ភ្នំពេញ៖ បុរសម្នាក់បើករថយន្តកុងតឺន័រសណ្ដោងមិនប្រយ័ត្ន ជ្រុលទៅបុករថយន្តឡង់គ្រីស័រស៊េរីទំនើបពីក្រោយ បណ្ដាលអោយរងការខូចខាតបែកស្ដាំម្ខាង និងក្រពឹតកាង។

ហេតុការណ៍នេះកើតឡើងនៅវេលាម៉ោង ៩ នឹង ១០នាទីយប់ ថ្ងៃទី ៧ ខែ មីនា ឆ្នាំ ២០១៩ ស្ថិតតាមបណ្ដយផ្លូវជាតិលេខ ៥ ចំណុចហ្គាសទាន់សម័យ ក្នុងសង្កាត់ស្វាយប៉ាក ខណ្ឌឫស្សីកែវ។

មានទទួលធ្វើកាតវីស៊ីត មួយប្រអប់ត្រឹមតែ ១៤០០០ រៀល ទំនាក់ទំនងទូរស័ព្ទលេខ 016 85 63 66

យោងតាមប្រភពពីកន្លែងកើតហេតុបានអោយដឹងថា មុនពេលកើតហេតុ គេឃើញរថយន្តកុងតឺន័រសណ្ដោង ម៉ាក HINO ក្បាលពណ៌ក្រហម ពាក់ស្លាកលេខ ភ្នំពេញ 3A-3616 ធ្វើដំណើរពីត្បូងទៅជើង ខណៈមកដល់ចំណុចកើតហេតុខាងលើ បានជ្រុលទៅបុករថយន្តឡង់គ្រីស័រ ពណ៌ខ្មៅ ពាក់ស្លាកលេខ ភ្នំពេញ 2R-1727 ធ្វើដំណើរស្របគ្នានៅខាងមុខ បណ្ដាលអោយរងការខូចខាតបែកស្តុបខាងស្ដាំ និងក្រពឹតកាងខាងក្រោយ តែសំណាងល្អមិនមានអ្នករបួសនោះទេ។

សេចក្តីណែនាំ៖ ពេលលោកអ្នក Download App ព័ត៌មានឯករាជ្យជាតិ រួច ត្រូវចុចលើ Setting បន្ទាប់មករកមើលពាក្យថា Unnown រួចគ្រីសទៅលើវា លោកអ្នកនឹងឃើញពាក្យថា Installing ហើយចុចនៅលើពាក្យនោះ លោកអ្នកនឹងឃើញសញ្ញា Logo សារព័ត៌មាន ឯករាជ្យជាតិ

ក្រោយកើតហេតុសមត្ថកិច្ចមូលដ្ឋានបានមកដល់កន្លែងកើតហេតុ បានអោយភាគីទាំងសងខាងសម្របសម្រួលគ្នា ដោយខាងរថយន្តឡង់គ្រីស័រទារសំណង ៣០០០ ដុល្លារ ដោយខាងរថយន្តកុងតឺន័រមិនមានលទ្ធភាព ទើបសមត្ថកិច្ចទាក់ទងជំនាញមកវាស់វែងយករថយន្តទាំងពីរគ្រឿង ទៅការិយាល័យចរាចរណ៍ផ្លូវគោកស្នងការ រាជធានីភ្នំពេញរងចាំដោះស្រាយនៅពេលក្រោយ។

មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66