នគរបាលខណ្ឌពោធិ៍សែនជ័យ ផ្ទុះអាវុធ ៥គ្រាប់ ដើម្បីបង្ក្រាបក្រុមក្មេងស្ទាវដែលតដៃជាមួយសមត្ថកិច្ច

ភ្នំពេញ៖ កម្លាំងល្បាតរបស់នគរបាលខណ្ឌពោធិ៍សែនជ័យ បានជិះដេញស្ទាក់ចាប់ខ្លួនយុវជន ៤នាក់ ដែលសង្ស័យ តែពួកគេមិនឲ្យឆែក ក៏បង្កហិង្សាវាយតប់គ្នាទៅវិញទៅមក រហូតសមត្ថកិច្ចបានផ្ទុះអាវុធចំនួន ៥គ្រាប់ បង្កការភ្ញាក់ផ្អើលយ៉ាងខ្លាំងដល់អ្នករស់នៅក្បែរនោះ កាលពីវេលាម៉ោង ២ រំលងអាធ្រាត ឈានចូលថ្ងៃទី ៣ ខែ ឧសភា ឆ្នាំ ២០១៩ នៅក្បែរបន្ទាយ ៩៩ តាមបណ្ដោយផ្លូវ ២០០៤ ក្នុងសង្កាត់កាកាប ១ ខណ្ឌពោធិ៍សែនជ័យ។
មានទទួលធ្វើកាតវីស៊ីត មួយប្រអប់ត្រឹមតែ ១៤០០០ រៀល ទំនាក់ទំនងទូរស័ព្ទលេខ 016 85 63 66

យោងតាមប្រភពព័ត៌មានពីប្រជាពលរដ្ឋបានឲ្យដឹងថា មុនកើតហេតុ គេឃើញយុវជន ៤នាក់ ជិះម៉ូតូ ២គ្រឿង ដោយមួយគ្រឿងម៉ាកហុងដាឌ្រីម និងមួយគ្រឿងទៀតម៉ាកហុងដា ប៊ិច ត្រូវបានកម្លាំងសមត្ថកិច្ចប្រដេញ និងកាក់ឲ្យឈប់នៅត្រង់ចំណុចកើតហេតុខាងលើដើម្បីឆែកឆែ ក៏ប៉ុន្តែយុវជនទាំង ៤នាក់ ខាងលើ មិនឲ្យសមត្ថកិច្ចធ្វើការឆែកឆែនោះទេ ព្រមទាំងឈ្លោះគ្នាជាមួយសមត្ថកិច្ចជាខ្លាំង និងបង្កជាហិង្សាវាយតប់គ្នារវាងសមត្ថកិច្ច និងយុវជនខាងលើបណ្ដាលឲ្យយុវជនម្នាក់របួសបែកក្បាល និងសមត្ថកិច្ចរងរបួសត្រង់ក្ដោងច្រមុះ ។
សេចក្តីណែនាំ៖ ពេលលោកអ្នក Download App ព័ត៌មានឯករាជ្យជាតិ រួច ត្រូវចុចលើ Setting បន្ទាប់មករកមើលពាក្យថា Unnown រួចគ្រីសទៅលើវា លោកអ្នកនឹងឃើញពាក្យថា Installing ហើយចុចនៅលើពាក្យនោះ លោកអ្នកនឹងឃើញសញ្ញា Logo សារព័ត៌មាន ឯករាជ្យជាតិ

ក្នុងករណីខាងលើ ក៏មានបងប្អូនអ្នកភូមិជាច្រើននាក់ដែលនៅក្បែរនោះបានជួយហាមឃាត់ដែរ ព្រមទាំងសមត្ថកិច្ចជាច្រើននាក់បានចុះមកជួយអន្តរាគមន៍ តែយុវជនទាំង ៤នាក់ខាងលើ មិនសុខចិត្ត ក៏បានឈ្លោះជាមួយសមត្ថកិច្ចបន្ថែមទៀត ព្រមទាំងមានបក្សពួកជាច្រើននាក់មកជាមួយ ទើបធ្វើឲ្យសមត្ថកិច្ចផ្ទុះអាវុធចំនួន ៥គ្រាប់ ដើម្បីបំបែកក្រុមយុវជនខាងលើ ហើយឃាត់ខ្លួនបានមនុស្ស ៤នាក់ ដឹកយកទៅប៉ុស្ដិ៍នគរបាលរដ្ឋបាល កាកាប១ ដើម្បីធ្វើការសាកសួរបន្ត៕
មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66