បើករថយន្តលឿនពេក ខ្វះការប្រុងប្រយ័ត្ន រេចង្កូតឡើងសួនចែកផ្លូវ ជ្រុលទៅបុកស្លាកផ្សាយពាណិតជ្ជកម្ម បន្តទៅបុកបង្គោលភ្លើងមួយដើមទៀត ទៅមុខលែងរួច
ភ្នំពេញ៖ បុរសម្នាក់បើករថយន្តក្រឡុកស៊ីម៉ងត៍មួយគ្រឿង រេចង្កូតឡើងសួនចែកទ្រូងផ្លូវជ្រុលទៅបុកស្លាក ផ្សាយពាណិជ្ជកម្មបាក់រៀបដល់ដី រថយន្តមិនទាន់អស់ល្បឿន ជ្រុលទៅបុកបង្គោលភ្លើងបំភ្លឺផ្លូវ ទ្រេតអស់មួយដើម រថយន្តកល់ទ្រូងផ្លូវទៅមុខលែងរួច។
គ្រោះថ្នាក់ចរាចរណ៍កើតឡើងកាលពីវេលាម៉ោង ៨ នឹង ១០ នាទី ថ្ងៃទី ១៣ ខែ កញ្ញា ឆ្នាំ ២០១៩ ស្ថិតនៅតាមបណ្ដោយផ្លូវហាណូយ ក្នុងសង្កាត់គោកឃ្លាង ខណ្ឌសែនសុខ។
loading...
បើករថយន្តហាយលេនឌ័រលឿនដូចហោះ ជ្រុលទៅបុកក្បាលព្រួញចែកទ្រូងផ្លូវ បាក់មួយកង់ ខ្ទាតទៅប៉ះម៉ូតូមួយគ្រឿង កំពុងធ្វើដំណើរតាមដងផ្លូវ រងរបួសធ្ងន់ម្នាក់
តាមសាក្សីឃើញហេតុការណ៍បានដឹងថា មុនពេលកើតហេតុ គេឃើញបុរសម្នាក់បើករថយន្ត ក្រឡុកស៊ីម៉ងត៍មួយគ្រឿង ពណ៌តៃតង ពាក់ស្លាកលេខ ភ្នំពេញ 5A-1465 តាមបណ្ដោយផ្លូវហាណូយ ក្នុងទិសដៅពីជើងទៅត្បួង បោះពួយយ៉ាងលឿន លុះមកដល់មុខ ធនាគារឯកទេសឌីជីប៊ី រថយន្តក៏រេចង្កូតមកខាងឆ្វេងដៃឡើងសួនចែកផ្លូវ ហើយជ្រុលទៅបុក ប៉ាណូផ្សាយពាណិជ្ជកម្ម បាក់អស់មួយដើម រថយន្តមិនទាន់អស់ល្បឿន ក៏ជ្រុលទៅបុកបង្គោលភ្លើងបំភ្លឺផ្លូវទ្រេតមួយដើមទៀត ចំណែករថយន្តខូចខាតបន្តិចបន្ទូច ផ្នែកខាងឆ្វេង សំណាងល្អមិនមាននាក់រងរបួស។
ក្រោយកើតហេតុសមត្ថកិច្ចមូលដ្ឋាន បានទំនាក់ទំនងទៅជំនាញចរាចរណ៍ផ្លូវគោក នៃស្នងការនគរបាល រាជធានីភ្នំពេញ ស្ទូចរថយន្ត យកទៅរក្សាទុកដើម្បីរងចាំដោះស្រាយនៅពេលក្រោយ។
បើករថយន្តលឿនពេក ខ្វះការប្រុងប្រយ័ត្ន រេចង្កូតឡើងសួនចែកផ្លូវ ជ្រុលទៅបុកស្លាកផ្សាយពាណិតជ្ជកម្ម បន្តទៅបុកបង្គោលភ្លើងមួយដើមទៀត ទៅមុខលែងរួច
Reviewed by សារព័ត៌មាន ឯករាជ្យជាតិ
on
6:55:00 PM
Rating:
No comments: