ភ្នំពេញ៖ បុរសជនជាតិកូរ៉េម្នាក់ស្រវឹងជោកជាំ បេីករថយន្តក្នុងល្បឿនលឿនជ្រុលបុករថយន្តមួយគ្រឿងទៀត បណ្តាលឲ្យរងការខូចខាត។
ហេតុការណ៍នេះបានកេីតឡេីងកាលពីវេលាម៉ោង ១២ នឹង ២០នាទីរំលងអាធ្រាត្រ ឈានចូលថ្ងៃទី ២៥ ខែ តុលា ឆ្នាំ ២០១៩ នៅចំណុចរបង វត្តមហាមន្ត្រី ខាងកេីត តាមបណ្តោយផ្លូវលេខ ១៦៣ ស្ថិតក្នុងសង្កាត់អូឡាំពិច ខណ្ឌបឹងកេងកង។
loading...
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុ គេបានឃេីញរថយន្តម៉ាក PORSCHE ពណ៌ស ពាក់ស្លាកលេខ ភ្នំពេញ 2AT-9527 បេីកបរដោយបុរសជនជាតិចិនម្នាក់ និងមាននារីជនជាតិចិនម្នាក់ទៀត រួមដំណេីរជាមួយ តាមបណ្តោយផ្លូវលេខ ១៦៣ ក្នុងទិសដៅពីត្បូងទៅជេីង ខណៈមកដល់ចំណុចកេីតហេតុ ស្រាប់តែមានរថយន្តម៉ាកហីយ៉ាន់ដាយ ពណ៌ស ពាក់ស្លាកលេខ ភ្នំពេញ 2AH-7457 បេីកបរដោយបុរសជនជាតិកូរ៉េម្នាក់ ក្នុងស្ថានភាពស្រវឹងស្រាជោកជាំ ធ្វេីដំណេីរបញ្ច្រាស់ទិសគ្នាក៏រេចង្កូតទៅបុករថយន្ត PORSCE ពេញទំហឹងបណ្តាលឲ្យរងការខូចខាតទាំងសងខាង តែសំណាងមិនមានមនុស្សរងរបួសនោះទេ។
ក្រោយកេីតហេតុសមត្ថកិច្ច បានចុះទៅដល់ចំណុចកេីតហេតុ និងធ្វេីការសម្របសម្រួលដេីម្បីបញ្ចប់រឿងនៅកន្លែងកេីតហេតុ។ គួបញ្ជាក់ថារថយន្តម៉ាកហ៊ីយ៉ាន់ដាយបង្កគ្រោះថ្នាក់ជាលេីកទី ២ ហេីយ ត្រឹមរយះពេលជាងមួយម៉ោង តែសម្របសម្រួលបញ្ចប់នៅកន្លែងកេីតហេតុ៕
ជនជាតិកូរ៉េស្រវឹងស្រា បេីករថយន្តបុករថយន្តមួយគ្រឿងទៀត រងការខូចខាត
Reviewed by សារព័ត៌មាន ឯករាជ្យជាតិ
on
7:15:00 PM
Rating:
No comments: