ភ្នំពេញ៖ បុរសម្នាក់បើករថយន្ត ឡិចសុីស 470 មួយគ្រឿងមិនប្រយ័ត្ន ជ្រុលចង្កូតទៅបុកគូទរថយន្តហ្វតរ៉េនជ័រ ខណៈកំពុងបើកបរដូចគ្នាបណ្ដាលឲ្យរងការខូចខាត។
ហេតុការណ៍នេះកើតឡើងកាលពីវេលាម៉ោង ៧ នឹង ៤០ នាទីយប់ ថ្ងៃទី ២៦ ខែ តុលា ឆ្នាំ ២០១៩ នៅចំណុចមុខផ្សារអូរឬស្សី តាមដងផ្លូវ ១៨២ ក្នុងសង្កាត់បឹងព្រលិត ខណ្ឌ៧មករា។
loading...
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញស្ត្រីម្នាក់ រួមដំណើរនិងស្តី្រក្មេងចាស់ ៣ ទៅ ៤ នាក់ទៀត បើករថយន្តស៊េរីទំនើបហ្វតរ៉េនជ័ មួយគ្រឿងពណ៌ស ពាក់ស្លាកលេខ កណ្តាល 2A-9201 ទិសដៅពីលិចទៅកើត ខណៈមកដល់ចំណុចកើតហេតុខាងលើ បានជាន់ហ្វ្រាំងឈប់ ដោយមានរថយន្តមួយគ្រឿងទៀតឈប់នៅខាងមុខស្រាប់តែមាឡិចសុីស LX-470 មួយគ្រឿង ពណ៌ខ្មៅ ពាក់ស្លាកលេខ ភ្នំពេញ 2AA-6685 បើកបរដោយបុរសម្នាក់មកបុកពីក្រោយបណ្តាលឲ្យរងរការខូចខាត។
ក្រោយកើតហេតុ សមត្ថកិច្ចមូលដ្ឋាន បានចុះមកដល់ ដោយភាគីទាំងសងខាង សូមធ្វើការសម្រុះសម្រួលគ្នាអស់រយៈពេលជិតមួយម៉ោង ទើបខាងភាគីរថយន្តឡិចសុីស 470 ព្រមយករថយន្តហ្វតរ៉េនជ័រ ទៅជួសជុលអោយស្អាតឡើងវិញដើម្បីបញ្ចប់រឿង៕
បើករថយន្តមិនប្រយ័ត្ន ជ្រុលទៅបុកគូទរថយន្តហ្វតរ៉េនជ័រ រងការខូចខាត
Reviewed by សារព័ត៌មាន ឯករាជ្យជាតិ
on
7:03:00 PM
Rating:
No comments: