ហេតុការណ៏នេះកើតឡើងនៅវេលាម៉ោង ៤ នឹង ២០នាទីល្ងាច ថ្ងៃទី ២៣ ខែ វិច្ឆិកា ឆ្នាំ ២០១៩ ស្ថិតតាមបណ្ដោយផ្លូវក្រុមហ៊ុនអូអាយស៊ី ចំណុចជិតរង្វង់មូលនាងមច្ឆា ក្នុងសង្កាត់ព្រែកតាសេក ខណ្ឌជ្រោយចង្វារ។
loading...
យោងតាមប្រភពពីកន្លែងកើតហេតុបានឲ្យដឹងថា មុនពេលកើតហេតុ គេឃើញបុរសវ័យចំណាស់ម្នាក់ រួមទាំងកូនតូច បើករថយន្តម៉ាស្ដា ពណ៌ស ពាក់ស្លាកលេខ ភ្នំពេញ 2AK-4815 ក្នុងទិសដៅពីជើងទៅត្បូង ខណៈមកដល់ចំណុចកើតហេតុខាងលើ បានបត់ឆ្វេងត្រឡប់ក្រោយ ត្រូវបានរថយន្តរ៉ែងរ៉ូវើរ ពណ៌ខ្មៅ ពាក់ស្លាកលេខ ភ្នំពេញ 2C-9989 បើកដោយបុរសម្នាក់ ធ្វើដំណើរពីត្បូងទៅជើង ក្នុងល្បឿនលឿនដូចហោះ ជ្រុលទៅបុកចំពេញទំហឹង បណ្ដាលឲ្យរថយន្តម៉ាស្ដាវិលមួយជុំ រងការខូចខាតយ៉ាងដំណំ ហើយរថយន្តបង្ក មិនព្រមឈប់ដោះស្រាយគ្នានោះទេ បានព្យាយាមបើករត់ចេញពីកន្លែងកើតហេតុ ត្រូវអ្នកឃើញហេតុការណ៏ ជិះដេញតាមរហូតដល់ស្តុបបឹងកក់ ហើយករាយការណ៏ប្រាប់សមត្ថកិច្ចឃាត់រថយន្ត រួមទាំងអ្នកបើកបរ រងចាំប្រគល់ឲ្យសមត្ថកិច្ចជំនាញ។
ក្រោយកើតហេតុ សមត្ថកិច្ចមូលដ្ឋាន សហការជាមួយជំនាញ វាស់វែងយករថយន្តទាំងពីរគ្រឿង ទៅការិយាល័យចរាចរណ៏ផ្លូវគោក ស្នងការ រាជធានីភ្នំពេញ រងចាំដោះស្រាយគ្នាតាមផ្លូវច្បាប់។
រថយន្តម៉ាស្តាបត់ត្រឡប់ក្រោយមិនប្រយ័ត្ន ត្រូវរថយន្តរ៉ែងរ៉ូវើ បុករងការខូចខាតយ៉ាងដំណំ
Reviewed by សារព័ត៌មាន ឯករាជ្យជាតិ
on
7:11:00 PM
Rating:
No comments: