អ្នកតាដែលថែរក្សានៅទន្លេបាទី

ផ្សាយថ្ងៃទី ២៧ ឧសភា ២០២៦

(កាសែតឯករាជ្យជាតិ ផ្សាយតាមបណ្តាញសង្គម)
«អ្នកតានៅទន្លេបាទី» គឺជាជំនឿ និងការគោរពបូជាដ៏សំខាន់មួយរបស់អ្នកស្រុកនៅតំបន់ទន្លេបាទី ស្រុកបាទី ខេត្តតាកែវ。អ្នកស្រុកជឿថាអ្នកតានៅទីនោះគឺជាវិញ្ញាណក្ខន្ធមេទ័ព និងជាអតីតព្រះមហាក្សត្រខ្លាំងពូកែ ដែលតែងតែថែរក្សាការពារប្រជាជនក្នុងតំបន់ឱ្យមានភាពសំបូរសប្បាយ ត្រជាក់ត្រជុំ。ទីតាំង និងប្រវត្តិសង្ខេបទីតាំង៖ ស្ថិតនៅ រមណីយដ្ឋានទន្លេបាទី ភូមិថ្នល់ទក្សិណ ឃុំក្រាំងធ្នង់ ស្រុកបាទី ខេត្តតាកែវ មានចម្ងាយប្រមាណ ៣៥ ទៅ ៤០ គីឡូម៉ែត្រពីរាជធានីភ្នំពេញ តាមបណ្តោយផ្លូវជាតិលេខ២。ប្រវត្តិដើម៖ យោងតាមរឿងព្រេងនិទានបុរាណ រឿង ប្រាសាទតាព្រំ បានដំណាលថា ទីនោះធ្លាប់ជាទឹកដីគ្រប់គ្រងដោយស្តេចក្រាញ់មួយអង្គព្រះនាម "អង្គព្រហ្ម" ដែលបានសាងសង់ប្រាសាទមួយ (បច្ចុប្បន្នហៅថា ប្រាសាទតាព្រហ្ម) និងមានប្រាសាទនាងពៅ [យាយពៅ] នៅក្បែរនោះ。ព្រះអង្គត្រូវបានអ្នកស្រុកគោរពបូជាបន្តរហូតមកដល់សព្វថ្ងៃក្នុងនាមជា "អ្នកតាទន្លេបាទី" ដែលមានបារមីស័ក្តិសិទ្ធិ。ការបន់ស្រន់ និងជំនឿប្រជាពលរដ្ឋ អ្នកនេសាទ ក៏ដូចជាភ្ញៀវទេសចរដែលទៅលេងកម្សាន្ត តែងតែអុជធូបបន់ស្រន់សុំសេចក្តីសុខសប្បាយ សុំលាភសក្ការៈ និងសុំការការពារពីអ្នកតាទន្លេបាទី មុនពេលធ្វើដំណើរ ឬមុនពេលចូលទស្សនាតំបន់ប្រាសាទបុរាណ。ដំណើរកម្សាន្តទន្លេបាទីមិនត្រឹមតែជាកន្លែងសក្ការបូជាដ៏ស័ក្តិសិទ្ធិប៉ុណ្ណោះទេ ថែមទាំងជា រមណីយដ្ឋានធម្មជាតិ និងជាទីតាំងដ៏ពេញនិយមសម្រាប់ការ៖ជិះទូកកម្សាន្ត និងលេងទឹកបឹងគយគន់ថ្ងៃលិច និងសម្រាកលំហែកាយតាមតូបប្រក់ស្បូវទទួលទានម្ហូបអាហារជនបទ និងមុខម្ហូបប្រចាំតំបន់ដ៏ឈ្ងុយឆ្ងាញ់សម្រាប់ការរៀបចំដំណើរកម្សាន្ត ឬស្វែងរកទីតាំងពិតប្រាកដ លោកអ្នកអាចចូលទៅកាន់ ផែនទី Google Maps ដើម្បីធ្វើការរុករកផ្លូវបានយ៉ាងងាយស្រួល។
រឿង ប្រាសាទ​តា​ព្រំ

ប្រជុំរឿងព្រេងខ្មែរភាគ ៥ ទំព័រ ១០៣ - ១០៧
យើងខ្ញុំ ចាងហ្វាងការផ្សាយសែតឯករាជ្យជាតិ សូមថ្លែងអំណរគុណយ៉ាងជ្រាលជ្រៅ ដល់អស់លោកអ្នកនាង ដែលបានគាំទ្រ និងចូលចិត្តអានកាសែតឯករាជ្យជាតិ តាមរយៈបណ្តាញសង្គមរបស់យើងខ្ញុំ កាសែតឯករាជ្យជាតិ នឹងខំស្វែងរកព័ត៌មាន ចំណេះដឹងថ្មីៗ ជូនអស់លោកនាងដោយមិនគិតថ្លៃ បើអស់លោកអ្នកនាង ចង់ជួយឧបត្ថម្ភការផ្សាយរបស់យើងខ្ញុំ សូមផ្ញើតាមរយៈគណនី ABA លេខលុយខ្មែរ: 500 708 383 លេខលុយដុល្លារ: 003 662 119
បើយើងធ្វើដំណើរចេញពីក្រុងភ្នំពេញទៅ តាមផ្លូវជាតិលេខ២ ចម្ងាយ ៣២ គ.ម. ដល់ទៅត្រង់អូររូង ក្នុងស្រុកបាទី ខេត្តតាកែវ បត់ទៅស្ដាំដៃចំនួន២ គ.ម. ក្នុងឃុំក្រាំងធ្នង់ ស្រុកខេត្តដដែល នឹងឃើញទន្លេបុរាណមួយ មានមណ្ឌលរាងទ្រវែងបណ្ដោយថ្ងៃ មានទឹកល្ហល្ហេវ ខួបប្រាំងខួបវស្សា ហៅថា "ទន្លេបាទី" ។ ក្បែរឆ្នេរខាងត្បូងនៃទន្លេនោះ មានប្រាសាទ២ គឺ ប្រាសាទតាព្រំ១, ប្រាសាទយាយពៅ១ ។
រឿងព្រេងទាក់ទងដោយដើមកំណើតនៃប្រាសាទនេះ មានដំណាលដូចតទៅ ៖
កាលស្ដេចព្រះនាមព្រះកេតុមាលា សោយរាជ្យនៅមហានគរជាស្ដេចមានបុណ្យអស្ចារ្យ ។ វេលាមួយ ស្ដេចទ្រង់អផ្សុកក្នុងព្រះរាជហឫទ័យ គង់ប្រាសាទពុំបាន ទ្រង់យាងកម្សាន្តព្រះរាជហឫទ័យជាមួយនឹងរេហ៍ពល ដោយផ្លូវនាវា តាមឆ្នេរសមុទ្រត្រើយខាងត្បូង ។ លុះយាងទៅដល់ទន្លេបាទី ទ្រង់ចតព្រះទីន័ងនាវានៅត្រើយនោះដោយសោមនស្ស ហើយទ្រង់បោះព្រះពន្លាជ័យសម្រាកព្រះអង្គនៅក្នុងទីនោះ ។ ពេលនោះ អ្នកស្រុកប្រុសស្រីទាំងអស់បានឮដំណឹងថាស្ដេចយាងពីនគរវត្តមក ដោយមិនដែលឃើញស្ដេចសោះ ក៏នាំគ្នាច្រើនអ៊ូអែមកថ្វាយបង្គំគាល់ យកអាករសួរៃមកថ្វាយព្រះអង្គគ្រប់គ្នា ។ កាលនោះ មានយាយម្នាក់មានភោគសម្បត្តិស្ដុកស្ដម្ភជាងអ្នកស្រុកទាំងអស់ គាត់មានកូនក្រមុំមួយឈ្មោះនាង "ពៅ" មានរូបឆោមលោមពណ៌ល្អជាងស្រីទាំងពួង ។ គាត់នាំកូនក្រមុំមកគាល់ស្ដេចរាល់ថ្ងៃ ។ ព្រះមហាក្សត្រទ្រង់ទតឃើញរូបនាងនោះ ក៏មានព្រះរាជហឫទ័យប្រតិព័ទ្ធ ទ្រង់ចំអន់លេងរាល់ពេលវេលា ។ យាយដឹងថា ស្ដេចសព្វព្រះរាជហឫទ័យនឹងកូនក្រមុំរបស់ខ្លួន ក៏លើកនាងថ្វាយជាព្រះទេពី ។ ស្ដេចបាននាងពៅ ធ្វើជាអគ្គមហេសី ទ្រង់សព្វព្រះរាជហឫទ័យនឹងនាង ពៅ ពន់ពេក ព្រោះជាស្រីមានរូបឆោមលោមពណ៌ល្អ ។ ស្ដេចគង់នៅទីនោះបាន ៣ ខែ នាងក៏មានគភ៌ ។ លុះនាងមានគភ៌បាន ៣ ខែ ព្រះរាជាទ្រង់មានព្រះរាជបន្ទូលថា " ចូរប្អូននៅក្នុងទីនេះចុះ ពីព្រោះមានមាតានៅថែរក្សា ឯបងសូមលាត្រឡប់ទៅមហានគរវិញ" ហើយទ្រង់ព្រះរាជទានព្រះទម្រង់មួយទុកជាកេរ្តិ៍ ថា "បើព្រះរាជបុត្រប្រសូតិមក កាលណាធំដឹងក្ដីឡើង ចង់ទៅសួររកបង ចូរឲ្យពាក់ព្រះទម្រង់នេះយកទៅជាសាក្សី " ។ នាង ពៅ បានស្ដាប់ព្រះបន្ទូលដូច្នេះ ក៏សោកសង្រេងអាឡោះអាល័យព្រះស្វាមីក្រៃពេកដោយទ្រង់មិនឲ្យនាងទៅតាមផង ។ ព្រះរាជាទ្រង់ផ្ដាំស្រេចហើយ ទ្រង់ស្ដេចយាងទៅកាន់ព្រះមហានគរវិញ ។

តើជប៉ុន គ្រប់គ្រងប្រទេសណាខ្លះ នៅសង្គ្រាមលោកលើកទី ២?.....

ក្រោយមក គភ៌នាង ពៅ គ្រប់ខែ ក៏ប្រសូតិបានព្រះរាជបុត្រប្រុសមួយមានរូបល្អពិសី ទ្រង់ទ្រាយដូចព្រះវរបិតា មាតាឲ្យនាមថា "អង្គព្រំកុមារ " ដោយហេតុថា ព្រះរាជកុមារប្រសូតិនៅព្រំដែនទន្លេនោះ ។ លុះព្រះរាជកុមារធំឡើងបានព្រះជន្ម ១៦ ឆ្នាំ សួររកបិតា នាងពៅ ដំណាលប្រាប់សព្វគ្រប់ ហើយព្រះរាជកុមារចង់ទៅតាមព្រះបិតាឯមហានគរ មាតាក៏បានដោះព្រះទម្រង់មាសឲ្យទៅព្រះរាជបុត្រពាក់នៅម្រាមព្រះហស្តខាងស្ដាំ ហើយព្រះរាជបុត្រថ្វាយបង្គំលាមាតាឡើងគង់លើសេះយាងតាមឆ្នេរសមុទ្រទៅ ។ លុះបានដល់ខ្លោងទ្វារព្រះមហានគរបានសួរអ្នកចាំទ្វាររកព្រះវរបិតា ។ នាយឆ្មាំទ្វារបានស្ដាប់ ក៏ចាត់មន្ត្រីឲ្យទៅក្រាបបង្គំទូលស្ដេចៗទ្រង់ជ្រាប ទ្រង់មានព្រះតម្រាស់ឲ្យចូលទៅ ។ អង្គព្រំ ក៏ចូលទៅក្រាបថ្វាយបង្គំព្រះវរបិតា ហើយដោះព្រះទម្រង់ថ្វាយ ។ ស្ដេចទ្រង់ស្គាល់ច្បាស់ជាព្រះរាជបុត្រពិតមែន ដោយទ្រង់បានឃើញព្រះទម្រង់ ហើយទ្រង់ចាត់អង្គព្រំឲ្យមកធ្វើជាចៅហ្វាយស្រុកនៅត្រើយទន្លេនោះ ។ ដោយហេតុថា អង្គព្រំ ប្រសូតិក្នុងទីនោះផង ដោយទីនោះពុំទាន់មាននាហ្មឺនណាឈរត្រួតត្រាផង ក៏ទ្រង់ធ្វើព្រះរាជសារមានត្រាតាំង អង្គព្រំ ជាស្ដេចក្រាញ់មួយអង្គជាធំក្នុងស្រុកនេះ, ហើយដោយហេតុ អង្គព្រំ ជាស្ដេច ជាមេបានៅស្រុកនោះមុនគេ បានជាស្រុកនោះឈ្មោះ ស្រុកបាទី ទន្លេនោះឈ្មោះទន្លេបាទី គឺទីរបស់ស្ដេចជាបាពីត្រឹមនោះមក ។ លុះ អង្គព្រំ បានជាស្ដេចក្រាញ់ នៅស្រុកនោះហើយទ្រង់បានចាត់ឲ្យសាងប្រាសាទ ២ មួយជូនមាតា មួយគង់នៅផ្ទាល់ព្រះអង្គ ហើយចាត់ចែងធ្វើបន្ទាយព័ទ្ធជុំវិញផង ។ ដំណាក់ឯទៀតជាច្រើននៅក្បែរប្រាសាទនោះជាទីក្រសាល និងជាទីធ្វើការរាជការផ្សេងៗ តាមមុខក្រសួងនាហ្មឺនសព្វមុខមន្ត្រី ។ ទីបរិវេណនៃប្រាសាទទាំងនេះ សព្វថ្ងៃជាទីវត្តមួយឈ្មោះ វត្តទន្លេបាទី ជារមណីយដ្ឋានមួយ ដែលពួកទេសចរណ៍ច្រើនចូលចិត្តទៅទស្សនា ។
១- ស្រង់ពីឯកសាររបស់ក្រុមជំនុំទំនៀមទម្លាប់ លេខ ២៧.០៦១ រៀបរៀងដោយគ្រូ អ៊ុំ-ឈុំ នៅឃុំសុរភី ស្រុកបាទី ខេត្តតាកែវ ។

កាសែតឯករាជ្យជាតិ សូមជំរាបជូនលោកអ្នកនាងថា ពីរឆ្នាំកន្លងមកនេះ យើងបានផ្សាយតាមរយៈ Website: www.kaset-ekreachcheat.com គឺមិនដែលបានផលចំណូលពីការផ្សាយពាណិជ្ជកម្មដើម្បីទ្រទ្រង់គេហទំព័រនេះឡើយ ហេតុដូច្នេះចាប់ពីខែ វិច្ឆិកា ២០២៥ តទៅ យើងនឹងផ្សាយតាមគេហទំព័រចាស់ www.erc-news.blogspot.com របស់យើងដដែលវិញ សូមអរគុណ

២- តាមឯកសាររបស់ក្រុមជំនុំទំនៀមទម្លាប់ លេខ ២៧.១៥៩ រៀបរៀងដោយភិក្ខុ ឆៃ-សុភ័គ សិស្សថ្នាក់ទី ៤ (ក) នៃពុទ្ធិកវិទ្យាល័យព្រះសុរាម្រិត និទានរឿងនេះផ្សេងពីនេះបន្តិចថា នាងនេះ ឈ្មោះ " នាងខ្មៅ " ពូកែដាច់ខាងបោកចំបាប់ នាងបានប្រកាសថា "បើអ្នកណាមួយបោកឈ្នះនាង នាងនឹងទទួលជាប្ដី ដោយពុំចាំបាច់រៀបការ" ។ ព្រះកេតុមាលា ទ្រង់យាងមកល្បងចំបាប់ឈ្នះនាងខ្មៅ ហើយក៏យកជាព្រះស្នំ ទើបមានភ្នំមួយឈ្មោះថា " ភ្នំចំបាប់ " នៅក្នុងឃុំតាំងយ៉ាប ស្រុកព្រៃកប្បាស ខេត្តតាកែវ រហូតមកដល់សព្វថ្ងៃ ។ ហើយថា " នាងពៅ " ជាមហេសីនៃព្រះកុមារព្រំ ដែលជាបុត្រនាងខ្មៅទៅវិញ គឺនៅពេលដែលកុមារព្រំ ត្រឡប់មកពីមហានគរបានជួបប្រទះនាងពៅជាកូនសេដ្ឋីនៅមាត់ទន្លេបាទី បានដណ្ដឹងធ្វើជាភរិយា សេដ្ឋីជាឪពុកបង្គាប់ព្រះកុមារព្រំ ឲ្យសាងប្រាសាទមួយជាចំណងដៃដល់នាងពៅមុននឹងរៀបការ ។ ក្រោយមក កុមារព្រំ បានឡើងជាស្ដេចក្រាញ់ កសាងប្រាសាទធំមួយទៀតនៅបៀតគ្នានោះ សម្រាប់ព្រះអង្គ ទើបគេហៅថា " ប្រាសាទតាព្រំ យាយពៅ រហូតដល់សព្វថ្ងៃនេះ ។ (កាសែតឯករាជ្យជាតិ ផ្សាយតាមបណ្តាញសង្គម ជូនលោកអ្នកនាងអានដោយមិនគិតថ្លៃ បើសប្បុរសជនចង់ជួយឧបត្ថម្ភ ការផ្សាយរបស់យើងខ្ញុំ តាមរយៈគណនី ABA លេខលុយខ្មែរ: 500 708 383 លេខលុយដុល្លារ: 003 662 119