ស្រវឹងស្រាធ្លាក់ភ្នែកបើកម៉ូតូជ្រែរថយន្ត ជ្រុលទៅប៉ះរទេះអេតចាយ ដួលរបួសធ្ងន់៣នាក់

បុរស ៣ នាក់ស្រវឹងស្រាជិះម៉ូតូមួយគ្រឿងម៉ាក សុីរូស ពាក់ស្លាកលេខ ភ្នំពេញ 1N7080 មកដល់ចំណុចកើតហេតុ បានជិះជ្រែពីរថយន្ត
ទៅប៉ះនឹងរទេះអេតចាយ រួចជ្រុលទៅបុកនឹងរបាំងចែកទ្រូងផ្លូវ បណ្តាលឲ្យរងរបួសធ្ងន់ ។
ករណីកើតហេតុខាងលើ នៅវេលាម៉ោង ១០:១៥នាទី យប់ថ្ងៃទី ១៣ មករា ២០១៥ តាមបណ្តោយផ្លូវ ២៧១ ចំណុចមុខតូបលក់មីឆា សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
ក្រោយពេលកើតហេតុ ជនរងគ្រោះត្រូវបានដឹកយកទៅសង្រ្គោះនៅមន្ទីរពេទ្យ ឯម៉ូតូត្រូវបានសាច់ញាតិ យកទៅរក្សាទុកដោយខ្លួនឯង ។ដោយ : ផល្លី