បុរសសតិមិនល្អម្នាក់ ដើរដេកកណ្ដាលស្តុបចេនឡា ត្រូវរថយន្ត ២-៣ គ្រឿង កិនស្លាប់ពេលបញ្ចូនដល់មន្ទីរពេទ្យ

ភ្នំពេញ៖ បុរសម្នាក់ដែលគេស្គាល់ថា ជាមនុស្សសតិមិនល្អ បានដើរដេកកណ្ដាលស្តុប ត្រូវបានរថយន្ត ២ ទៅ ៣គ្រឿង បើកកិនចំកណ្ដាលខ្លួន បណ្ដាលឲ្យស្លាប់ពេលបញ្ចូនទៅដល់មន្ទីរពេទ្យ។

ហេតុការណ៍នេះ បង្កការភ្ញាក់ផ្អើលដល់អ្នកដំណើរ កាលពីវេលាម៉ោង ១២ នឹង ៥០នាទី រំលងអាធ្រាត ឈានចូលថ្ងៃទី ១៥ ខែ ឧសភា ឆ្នាំ ២០១៩ នៅចំណុចកណ្ដាលស្តុបចេនឡា(អតីតរង្វង់មូលផ្សារដើម-គ តាមបណ្តោយផ្លូវម៉ៅសេទុង កែងផ្លូវ ២១៧ ក្នុងសង្កាត់បឹងសាឡាង ខណ្ឌទួលគោក ។
មានទទួលធ្វើកាតវីស៊ីត មួយប្រអប់ត្រឹមតែ ១៤០០០ រៀល ទំនាក់ទំនងទូរស័ព្ទលេខ 016 85 63 66

យោងតាមសាក្សីពីអ្នកនៅកន្លែងកើតហេតុ បានឲ្យដឹងថា បុរសរងគ្រោះខាងលើ មានសតិមិនប្រក្រតី បានដើរដេកតាមផ្លូវ និងកណ្ដាលផ្លូវជារៀងរាល់ថ្ងៃ ហើយកន្លងមកក៏ត្រូវបានរថយន្តបើកបុកបណ្ដាលឲ្យរងរបួសផងដែរ តែមិនធ្ងន់ធ្ងរនោះទេ។ ខណៈនៅយប់កើតហេតុ ស្រាប់តែបុរសរូបនេះ មកដេកកណ្ដាលស្តុបត្រង់ចំណុចកើតហេតុខាងលើ ធ្វើឲ្យរថយន្តមិនស្គាល់ម៉ាកប្រមាណ ៣គ្រឿង បើកកិនចំក្បាល និង ខ្លួន រងរបួសយ៉ាងធ្ងន់ធ្ងរ រួចហើយរថយន្តបង្កទាំងនោះបានបន្តដំណើរទៅបាត់ស្រមោល ។
សេចក្តីណែនាំ៖ ពេលលោកអ្នក Download App ព័ត៌មានឯករាជ្យជាតិ រួច ត្រូវចុចលើ Setting បន្ទាប់មករកមើលពាក្យថា Unnown រួចគ្រីសទៅលើវា លោកអ្នកនឹងឃើញពាក្យថា Installing ហើយចុចនៅលើពាក្យនោះ លោកអ្នកនឹងឃើញសញ្ញា Logo សារព័ត៌មាន ឯករាជ្យជាតិ

ក្នុងករណីបុរសសតិមិនល្អ ត្រូវបានរថយន្តកិនបណ្ដាលឲ្យរងរបួសធ្ងន់នេះ គេសង្គេតឃើញរថយន្តសង្គ្រោះបន្ទាន់ របស់មន្ទីរពេទ្យឯកជន និងមន្ទីរពេទ្យរដ្ឋ ដូចជាមិនសូវយកចិត្តទុកដាក់ក្នុងការចុះមកដឹកជនរងគ្រោះ ដើម្បីជួយសង្គ្រោះនោះឡើយ ធ្វើឲ្យប្រជាពលរដ្ឋវាយតម្លៃថា ឃើញតែអ្នកមានលុយ ឯអ្នកអត់លុយមិនខ្វល់ឡើយ។

មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66
ក្រោយកើតហេតុ អស់រយៈពេលជាងកន្លះម៉ោង ទើបគេឃើញរថយន្តសង្គ្រោះបន្ទាន់របស់មន្ទីរពេទ្យឯកជន ហុង ហាក់ ចុះមកដឹកជនរងគ្រោះទៅកាន់មន្ទីរពេទ្យកាល់ម៉ែត្រ ដើម្បីជួយសង្គ្រោះអាយុជីវិតជនរងគ្រោះ តែអកុសល ជនរងគ្រោះបានស្លាប់បាត់បង់ជីវិត ពេលបញ្ចូនទៅដល់មន្ទីរពេទ្យ ហើយបច្ចុប្បន្ននេះ សពជនរងគ្រោះ ត្រូវបានសមត្ថកិច្ចធ្វើកំណត់ហេតុ និងយកទៅតម្កល់នៅឯវត្តទឹកថ្លា រង់ចាំបូជា តាមប្រពៃណីនាពេលក្រោយ៕