សម្រាប់ផ្លូវឆ្ពោះទៅកាន់ អាងជីងចក់ ពោរពេញទៅដោយដីចំការដែលមានដំណាំហូបផ្លែជាច្រើន ដាំជាប់ៗគ្នារបស់ប្រជាជននៅក្នុងតំបន់នោះ។ ជាពិសេសទៅទៀត បងប្អូនអាចគយគន់ទេសភាពលក្ខណៈធម្មជាតិខៀវស្រស់នៅតាមតំបន់ភ្នំខៀវបានផងដែរ។
loading...
រមណីយដ្ឋានអាងជីងចក់ ហ៊ុមព័ទ្ធទៅដោយបឹងជុំវិញ ដែលមានសណ្ឋានដូចជាកូនកោះមួយនៅកណ្តាលបឹង។ បងប្អូនអាចធ្វើដំណើរទៅកាន់ទៅនោះបាន ដោយគ្រាន់តែដើរកាត់ស្ពានឈើដែលគេសាងសង់រួច។
អាងជីងចក់ ក៏មានសួនច្បារផ្កាចំរុះពណ៌ផងដែរ គួបផ្សំជាមួយនឹងដើមឈើមួយចំនួន បានក្លាយទៅជាកន្លែងថតរូបលក្ខណៈធម្មជាតិដ៏ល្អមួយសម្រាប់បងប្អូនដែលពេញនិយមថតរូបអនុស្សាវរីយ៍។ លើសពីនេះទៅទៀត ក៏មានទូកសម្រាប់ឲ្យបងប្អូនជិះលេងជុំវិញអាងទឹកនោះផងដែរ។
នៅទីនោះក៏មានកន្លែងអង្គុយលេងសម្រាប់អ្នកមកទស្សនាផងដែរ ក៏ប៉ុន្តែមិនទាន់មានសេវាកម្មបម្រើម្ហូបអាហារនៅទ្បើយទេ ដូចនេះគួរតែរៀបចំបាយទឹកមកពីខាងក្រៅឲ្យហើយ សម្រាប់អ្នកដែលមានបំណងចង់បរិភោគនៅទីនោះ។
រមណីយដ្ឋាន អាងជីងចក់
Reviewed by សារព័ត៌មាន ឯករាជ្យជាតិ
on
7:41:00 PM
Rating:
No comments: