ជិះម៉ូតូឌុបគ្នាលឿនពេក ជ្រុលបុករថយន្តឆ្លងផ្លូវ ស្លាប់ម្នាក់ របួស២នាក់

ភ្នំពេញ​៖​ បុរស ម្នាក់បានស្លាប់ភ្លាមនៅកន្លែងកើតហេតុ ចំណែក ២នាក់ទៀត រងរបួសធ្ងន់ ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ ខណៈជិះម៉ូតូលឿនមិនប្រយ័ត្ន ជ្រុលទៅបុករថយន្ត LAND CRUISER ដែលបេីកឆ្លងផ្លូវពេញទំហឹង​ កាលពីវេលាម៉ោង ១០ នឹង ៤០នាទីយប់ ថ្ងៃទី ២២ ​ខែ ឧសភា​ ឆ្នាំ២០១៩​ នៅចំណុចមុខបញ្ជាការដ្ឋានអាវុធ​ហត្ថកំបូល តាមបណ្តោយផ្លូវជាតិលេខ៤​ ស្ថិតក្នុងសង្កាត់កន្ទោក​ ខណ្ឌពោធិ៍សែនជ័យ​។

មានទទួលធ្វើកាតវីស៊ីត មួយប្រអប់ត្រឹមតែ ១៤០០០ រៀល ទំនាក់ទំនងទូរស័ព្ទលេខ 016 85 63 66
ជនរងគ្រោះ(ស្លាប់) មិនស្គាល់អត្តសញ្ញាណនោះទេ។

តាមសាក្សីនៅកន្លែងកេីតហេតុបានឲ្យដឹងថា​ មុនពេលកេីតហេតុ គេបានឃេីញរថយន្តម៉ាក LAND CRUISER ពណ៌ស​ ពាក់ស្លាកលេខ ភ្នំពេញ 2AY-2737 បេីកតាមបណ្តោយផ្លូវជាតិលេខ ៤​ ក្នុងទិសដៅពីកេីតទៅលិច ខណៈមកដល់ចំណុចកេីតហេតុ ក៏បានបត់ឆ្លងផ្លូវទៅឆ្វេងដៃ បំណងចូលទៅបុរីពិភពថ្មី ភ្លាមនោះស្រាប់តែមានម៉ូតូមួយគ្រឿងម៉ាកហុងដាឌ្រីមសង់​ ពណ៌ខ្មៅ​ ពាក់ស្លាកលេខ កំពង់ស្ពឺ 1E-6698 បេីកបរដោយបុរសម្នាក់ និងរួមដំណេីរជាមួយបុរស ២នាក់ទៀត បញ្ច្រាស់ទិសដៅគ្នា​ទិសដៅពីលិចទៅកេីត ក្នុងល្បឿនលឿន មិនប្រយ័ត្នក៏ជ្រុលបុកពីចំហៀងរថយន្តខាងមុខផ្នែកខាងស្តាំ ពេញទំហឹងបណ្តាលអោយអ្នកជិះម៉ូតូបោកក្បាលនឹងរថយន្តស្លាប់ម្នាក់ ចំណែក ២នាក់ទៀតរងរបួសធ្ងន់។
សេចក្តីណែនាំ៖ ពេលលោកអ្នក Download App ព័ត៌មានឯករាជ្យជាតិ រួច ត្រូវចុចលើ Setting បន្ទាប់មករកមើលពាក្យថា Unnown រួចគ្រីសទៅលើវា លោកអ្នកនឹងឃើញពាក្យថា Installing ហើយចុចនៅលើពាក្យនោះ លោកអ្នកនឹងឃើញសញ្ញា Logo សារព័ត៌មាន ឯករាជ្យជាតិ

ក្រោយកេីតហេតុ ជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ ចំណែកសពត្រូវបានសមត្ថកិច្ចយកទៅតម្កល់ទុកនៅ វត្តទឹកថ្លា បណ្តោះអាសន្ន ដោយឡែករថយន្ត និងម៉ូតូត្រូវបានសមត្ថកិច្ចជំនាញ ធ្វេីការវាស់វែងយកទៅរក្សាទុកនៅការិយាល័យចរាចរណ៍ជេីងគោក រាជធានីភ្នំពេញ រងចាំដោះស្រាយតាមច្បាប់៕
មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66